ایشیا کپ، بھارت کے خلاف پاکستان کی پلیئنگ الیون فائنل

پاکستان اور بھارت کا بڑا مقابلہ

دبئی (ڈیلی پاکستان آن لائن) پاکستان اور بھارت کے بڑے مقابلے کےلئے پلئینگ الیون فائنل ہوگئی۔ پچ کو دیکھنے کے بعد کوچ اور کپتان نے پلئینگ الیون فائنل کی۔

یہ بھی پڑھیں: وزیراعظم شہباز شریف کچھ دیر میں قوم سے خطاب کریں گے، اہم اعلان متوقع

کپتان کا اعتماد

نجی ٹی وی سما نیوز کے مطابق ذرائع کاکہنا ہے کہ ابتدائی مشاورت میں گزشتہ روز ابرار احمد اور شاہین شاہ آفریدی کو آرام دینے کی بات ہوئی تھی تاہم کپتان سلمان علی آغا نے شاہین شاہ آفریدی پر بھروسہ دکھایا۔

یہ بھی پڑھیں: روس کی ایک میڈیکل یونیورسٹی میں چاقو حملے کے نتیجے میں 4 بھارتی طلباء زخمی ہو گئے

تبدیلیاں اور انتخاب

ابرار احمد کی جگہ حارث رؤف کی شمولیت پر بات چیت ہوئی تھی تاہم کپتان اور کوچ نے فی الحال عمان کے خلاف کھیلی جانے والی پلئینگ الیون پر اتفاق کیا۔

یہ بھی پڑھیں: ستاروں کی روشنی میں آپ کا آج (ہفتے) کا دن کیسا رہے گا ؟

ہیڈ کوچ کا مشورہ

ذرائع کے مطابق ہیڈ کوچ مائیک ہیسن نے بیٹرز کو صبر و تحمل اور پریشر کے بغیر کھیلنے کا مشورہ دیا، ہیڈ کوچ اور کپتان نے صاحبزادہ فرحان اور صائم ایوب کو پریشر کے بغیر کھیلنے کی تلقین کی۔

یہ بھی پڑھیں: پیٹرول کی قیمت 458 روپے تک پہنچانا ظلم ہے: حافظ نعیم

ایشیا کپ کی اہمیت

واضح رہے کہ ایشیا کپ میں پاک بھارت ٹاکرا آج ہوگا، معرکہ حق کے بعد روایتی حریف پہلی بار آمنے سامنے آئیں گے۔ پاکستان اور بھارت کی ٹیمیں 6 ماہ کے دوران دوسری بار آمنے سامنے ہوں گی، اس سے قبل دونوں ٹیموں نے چیمپئنز ٹرافی میں میچ کھیلا تھا۔

یہ بھی پڑھیں: ہم دشمن پر بھروسہ نہیں کرتے: ایرانی صدر مسعود پزشکیان نے جنگ بندی کیلئے 3 شرائط رکھ دیں ۔۔۔تفصیلات جانیے

ٹیموں کی کارکردگی

حالیہ کارکردگی کے لحاظ سے دونوں ٹیمیں بہترین فارم میں ہیں، بھارت نے ایشیا کپ میں متحدہ عرب امارات کے خلاف 9 وکٹوں سے فتح حاصل کی، پاکستان نے افغانستان اور یو اے ای کو شکست دے کر 3 ملکی سیریز اپنے نام کی۔

ایشیا کپ کی تاریخ

ایشیا کپ میں بھارت نے اب تک 19 میچوں میں سے 10 میں کامیابی حاصل کی جبکہ پاکستان نے 6 جیتے ہیں، پاکستان کی بھارت کے خلاف ایشیا کپ میں آخری فتح 2022 میں آئی تھی، بھارت 8 بار ایشیا کپ کا چیمپئن بن چکا ہے جبکہ پاکستان نے یہ اعزاز صرف 2 مرتبہ حاصل کیا۔