بشریٰ بی بی کو قیدیوں میں سے سب سے اچھا کھانا کھلایا جاتا ہے: سلمان احمد

سلمان احمد کا بشریٰ بی بی کے حوالے سے دعویٰ

اسلام آباد (ویب ڈیسک) تحریک انصاف سے وابستہ رہنے والے شاعر و گلوکار سلمان احمد نے بشریٰ بی بی کو سہولیات کی عدم دستیابی سے متعلق دعوے ٹھکرادیے ہیں اور کہاہے کہ انہیں سب سے بہتر سہولیات دستیاب ہیں۔

سوشل میڈیا پر بیان

سوشل میڈیا پراپنے پیغام میں سلمان احمد نے لکھا کہ "میری کزن نے اندرونی ذرائع کے حوالے سے مجھے بتایاکہ بشریٰ بی بی کو بوسیدہ کھانا نہیں ملتا بلکہ قیدیوں میں سے سب سے اچھا کھانا انہیں کھلایا جاتا ہے۔ انہیں تہذیب بیکری کی مٹھائی باقاعدگی سے ملتی ہے، کے ایف سی چکن، خشک میوہ جات وغیرہ"۔

عمران خان کے کیس کی صورتحال

انہوں نے مزید لکھا کہ وہ (کزن) مجھے ایک مکمل فہرست بھیجے گی جب اسے ملے گی جبکہ عمران خان کو زہر دیے جانے کے خدشے کے پیش نظر باہر سے کھانا لینے کی اجازت نہیں لیکن خاتون کے کیس میں ایسا کوئی خدشہ نہیں، وہ ایک قیمتی اثاثہ ہیں۔

BREAKING NEWS: From inside SOURCE: My cousin tells me that Bushra Bibi far from receiving contaminated food she is of the most well fed prisoners. She receives Tehzeeb bakery mithai on a regular basis, kfc chicken, lots of dried fruit etc. He will send me a full list of what she…

— Salman Ahmad (@sufisal) September 15, 2025

سوشل میڈیا پر ردعمل

سلمان احمد کے اس دعوے پر سوشل میڈیا صارفین نے انہیں آڑھے ہاتھوں لے لیا اور بتایا کہ "تہذیب بیکرز مٹھائی نہیں بیچتے"۔

Tehzeeb bakers don't sell "mithai"

~ Azhar Mashwani September 2026 https://t.co/6kbhhvVlgN

— SK (@hawkkhosa) September 15, 2025

اظہر مشوانی کی تردید

اظہر مشوانی نے بھی تہذیب بیکرز کے مٹھائی بیچنے کی تردید کرتے ہوئے لکھا کہ ایک اور بے بنیاد اور احمقانہ ٹوئیٹ پر آپ معذرت کریں گے؟ عمران خان نے آپ کو کئی بار ہدایت کی ہے کہ ایسی بکواس بند کریں۔ بعدازاں اظہر مشوانی نے یہ ٹوئیٹ مبینہ طورپر ڈیلیٹ کردی ہے۔