شیخوپورہ: 20 ہزار سے زائد غیرقانونی گندم کے تھیلے برآمد

شیخوپورہ میں غیر قانونی گندم کی برآمدگی

شیخوپورہ(ڈیلی پاکستان آن لائن) پنجاب کے ضلع شیخوپورہ میں 50 کلو کے 20 ہزار سے زائد غیر قانونی گندم کے تھیلے برآمد ہوئے۔

یہ بھی پڑھیں: اداکاروں پر صرف کام کی حد تک تنقید ہونی چاہیے: مومنہ اقبال

انتظامیہ کی کارروائی

نجی ٹی وی چینل ہم نیوز کے مطابق ڈپٹی کمشنر کا کہنا تھا کہ انتظامیہ نے ذخیرہ کی گئی گندم کو سرکاری تحویل میں لے لیا ہے۔ ان کے پاس فوڈ گرینز کا لائسنس نہیں تھا جو کہ قانونی خلاف ورزی ہے۔

یہ بھی پڑھیں: پاکستان اور افغانستان کی جنگ کو ختم کرانا میرے لیے بہت آسان ہے، ڈونلڈ ٹرمپ

گندم کی قیمت اور ذخیرہ اندوزی کا مقابلہ

انہوں نے کہا کہ گندم کا سرکاری ریٹ 3 ہزار روپے فی من کے حساب سے فلور ملز کو جاری کیا جا رہا ہے۔ ڈپٹی کمشنر نے کہا کہ گندم کی ذخیرہ اندوزی کے خلاف زیرو ٹالرنس پالیسی پر عمل کیا جا رہا ہے۔

یہ بھی پڑھیں: لیگی رہنما رانا ثناء اللہ کی بطور سینیٹر کامیابی کا نوٹیفکیشن جاری

حکومت کی سخت کارروائی

واضح رہے کہ گزشتہ ہفتے پنجاب حکومت نے گندم کی ذخیرہ اندوزی کرنے والوں سے سختی سے نمٹنے کا فیصلہ کرتے ہوئے گندم کے اسٹاک ڈیکلیئر کرنے کے لیے 3 دن کی مہلت دی تھی۔

یہ بھی پڑھیں: نوجوانوں کے لیے خوشخبری، پنجاب پولیس میں سب انسپکٹرز کی نوکریاں آگئیں۔

وزیراعلیٰ پنجاب کا اجلاس

وزیراعلیٰ پنجاب مریم نواز کی زیر صدارت اجلاس میں فیصلہ کیا گیا کہ اسٹاک ڈیکلیئر نہ کرنے والوں کیخلاف تین دن بعد کارروائی کی جائے گی۔

قانونی کارروائی کی وارننگ

مریم نواز نے کہا تھا کہ گندم کی ذخیرہ اندوزی کرنے پر قانونی کارروائی عمل میں لائی جائے گی۔ اور سیلابی صورتحال کا فائدہ اٹھانے والے کسی رعایت کے مستحق نہیں۔