محسن نقوی کی بطور پی سی بی چیئرمین تقرری پر غیر قانونی مالی ادائیگیوں کا انکشاف

الیکٹرانک میڈیا میں انکشاف

اسلام آباد (ڈیلی پاکستان آن لائن) وزیر داخلہ محسن نقوی کو بطور چیئرمین پاکستان کرکٹ بورڈ غیر قانونی مالی ادائیگیوں کا انکشاف ہوا ہے۔ آڈٹ رپورٹ کے مطابق فروری سے جون 2024 تک چئیرمین پی سی بی کو مختلف مدوں میں 41 لاکھ 73 ہزار روپے سے زائد ادائیگیاں کی گئی ہیں۔

یہ بھی پڑھیں: اعظم سواتی کا پاسپورٹ کنٹرول لسٹ میں نام ڈالنے کیخلاف درخواست پر نیب، ایف آئی اے اور دیگر فریقین کو نوٹس جاری

مالی ادائیگیاں

پبلک نیوز کے مطابق، آڈٹ رپورٹ میں کہا گیا ہے کہ چئیرمین پی سی بی کی لاہور رہائش گاہ کے یوٹیلیٹی بلز کی ادائیگی کے لئے 24 لاکھ 50 ہزار روپے قومی خزانے سے ادا کئے گئے۔ اسی طرح، چئیرمین پی سی بی کی گاڑی کے ایندھن کے لئے 5 لاکھ 63 ہزار سے زائد قومی خزانے سے ادائیگی کی گئی۔ اسلام آباد کے نجی ہوٹل میں چئیرمین پی سی بی کی رہائش کے لئے قومی خزانے 11 لاکھ 60 ہزار روپے کی ادائیگی کی گئی۔

قانونی مسائل

آڈیٹر جنرل آف پاکستان کی رپورٹ کے مطابق، وفاقی وزیر کے عہدے پر ہوتے ہوئے بطور چئیرمین پی سی بی مالی فائدے لینا غیر قانونی ہے۔ آڈیٹر جنرل آف پاکستان نے آڈٹ رپورٹ میں وزیر داخلہ سے رقم کی ریکوری کی سفارش کر دی ہے。