پاکستان اور سعودی عرب کے درمیان دفاعی معاہدے پر بھارت کا ردعمل بھی آ گیا

پاکستان اور سعودی عرب کا اہم دفاعی معاہدہ

لاہور (ڈیلی پاکستان آن لائن) پاکستان اور سعودی عرب کے درمیان اہم ترین سٹریٹجک دفاعی معاہدہ طے پا گیا ہے جس کا چرچا اس وقت پوری دنیا میں ہے، تاہم اب بھارت نے بھی اس پر رد عمل جاری کر دیا ہے۔

یہ بھی پڑھیں: 26 نومبر احتجاج کیس ؛ وکلاء صفائی کے جرح نہ کرنے پر ملزمان پر 5،5ہزار روپے جرمانہ عائد

بھارتی وزارت خارجہ کا رد عمل

تفصیلات کے مطابق بھارتی وزارت خارجہ کے ترجمان رندھیر جیسوال نے ایکس پر جاری پیغام میں کہا کہ ’’ہم نے سعودی عرب اور پاکستان کے درمیان اسٹریٹجک باہمی دفاعی معاہدے پر دستخط کی رپورٹس دیکھی ہیں۔ حکومت کو علم تھا کہ یہ پیش رفت، جو دونوں ممالک کے درمیان طویل عرصے سے جاری انتظام کو باضابطہ شکل دیتی ہے، زیر غور تھی۔ ہم اس پیش رفت کے مضمرات کو اپنی قومی سلامتی کے ساتھ ساتھ علاقائی اور عالمی استحکام کے تناظر میں بھی دیکھ رہے ہیں۔ حکومت بھارت کے قومی مفاد کے تحفظ اور ہر شعبے میں جامع قومی سلامتی کو یقینی بنانے کے عزم پر قائم ہے۔

یہ بھی پڑھیں: جسٹس منصور علی شاہ اور جسٹس منیب اختر نے کوڈ آف کنڈکٹ میں ترامیم پر اعتراضات اٹھا دیئے۔

وزیراعظم کا سعودی عرب کا دورہ

یاد رہے کہ گزشتہ روز وزیراعظم شہبازشریف سعودی عرب کی فضائی حدود میں پہنچے تو سعودی ایئر فورس کے پانچ ایف 15 طیاروں نے اپنے حصار میں لیا اور پروٹوکول کے ساتھ ایئر پورٹ تک پہنچایا، جہاں ان کا شاندار استقبال کیا گیا جبکہ 21 توپوں کی سلامی اور گارڈ آف آنر بھی پیش کیا گیا۔ تاریخ ساز استقبال کے موقع پر ریاض کو پاکستانی پرچم کے ساتھ سجایا گیا جبکہ اس موقع پر خصوصی نغمہ بھی جاری کیا گیا۔

یہ بھی پڑھیں: چین ایران پر فوجی حملوں کی مخالفت کرتا ہے، چینی وزیر خارجہ نے فون کرکے اسرائیلی ہم منصب پر واضح کر دیا

دفاعی معاہدے کی شرائط

پاکستان اور سعودی عرب کے درمیان ہونے والے دفاعی معاہدے کے مطابق، کسی ایک ملک پر جارحیت دونوں ملک پر جارحیت تصور ہو گی۔

سوشل میڈیا پر خبریں

Our response to media queries on reports of the signing of a strategic mutual defence pact between Saudi Arabia and Pakistan
https://t.co/jr2dL0L4xP pic.twitter.com/Exlrm4wBEw

— Randhir Jaiswal (@MEAIndia) September 18, 2025