وزیراطلاعات پنجاب عظمیٰ بخاری کا شرجیل میمن کے بیان پر سخت ردعمل

وزیر اطلاعات پنجاب کا پیپلز پارٹی پر سخت ردعمل

لاہور (ڈیلی پاکستان آن لائن) وزیر اطلاعات پنجاب عظمیٰ بخاری نے پاکستان پیپلز پارٹی کے رہنما شرجیل میمن کے بیان پر سخت ردعمل کا اظہار کرتے ہوئے کہا ہے کہ مسلم لیگ ن نے کبھی صوبائیت کارڈ، نہروں کا کارڈ یا ڈیم کارڈ نہیں کھیلا۔

یہ بھی پڑھیں: سینیٹ اور قومی اسمبلی کے اجلاس آج طلب، ایجنڈے بھی جاری

مسلم لیگ ن کی قومی حیثیت

نجی ٹی وی سما نیوز کے مطابق، اپنے ایک بیان میں عظمیٰ بخاری نے کہا کہ مسلم لیگ ن ایک قومی جماعت ہے جو ہمیشہ قومی سوچ اور قومی ترقی کو ترجیح دیتی ہے۔ جس ٹیم کو آپ ان ایکسپرینس ٹیم کہہ رہے ہیں، اسی ٹیم نے صرف ڈیڑھ سال میں پنجاب میں اسی منصوبے مکمل کر کے ترقی کا انقلاب برپا کیا ہے۔

یہ بھی پڑھیں: این ایف سی ایوارڈ کا معاملہ، سینیٹ کمیٹی کا چاروں صوبائی وزراءکو بلانے کا فیصلہ

پیپلز پارٹی کی کارکردگی پر تنقید

وزیر اطلاعات پنجاب نے پیپلز پارٹی پر تنقید کرتے ہوئے کہا کہ آپ لوگوں نے سترہ سالوں میں کراچی اور سندھ کا جو حال کیا، اس پر آج بھی عوام روتے ہیں۔ سندھ کے پچھلے سیلاب میں بیرونی امداد ملنے کے باوجود آج تک وہاں تباہی کے آثار موجود ہیں۔

سیلاب کے دوران پیپلز پارٹی کا کردار

عظمیٰ بخاری نے مزید کہا کہ پنجاب کے حالیہ سیلاب میں پیپلز پارٹی نے جو کردار ادا کیا، اسے پنجاب کبھی نہیں بھولے گا۔ بری بات یہ ہے کہ آپ اپنے چیئرمین بلاول بھٹو زرداری کو بھی جھٹلا رہے ہیں، جنہوں نے سیلاب کے دوران مریم نواز کی تعریف کی تھی۔