قدرتی گیس کنکشنز کیلئے دی گئی 30 لاکھ سے زائد درخواستیں منسوخ
گیس کنکشنز کی درخواستوں کی منسوخی
اسلام آباد(ڈیلی پاکستان آن لائن) گیس کنکشنز کیلئے دی گئی 30 لاکھ سے زائد درخواستیں منسوخ کردی گئی۔
یہ بھی پڑھیں: عیدالفطر کا دن باہمی محبت، بھائی چارے اور سماجی ہم آہنگی کو فروغ دینے کا دن ہے۔ صدرمملکت اور وزیراعظم کا قوم کیلئے خصوصی پیغام
نیا فریم ورک اور میرٹ آرڈر
نجی ٹی وی سما نیوز کے مطابق، درآمدی ایل این جی کنکشنز کے حوالے سے نیا فریم ورک گیس کمپنیوں کو ارسال کردیا گیا ہے۔ گیس میٹرز کیلئے نئی درخواستوں کے بعد نیا میرٹ آرڈر جاری ہوگا۔
یہ بھی پڑھیں: ممیوں کو جلانے پر دیومالائی کہانیوں نے جنم لیا، ایک ممی کے انتقام کا تذکرہ بھی ہوا، کئی لوگ عبرتناک موت کا شکار ہوئے پھر عزت سے دفن کیا جانے لگا
فیس کی تفصیلات
ذرائع کے مطابق ڈیمانڈ نوٹس، ارجنٹ فیس جمع کرانے والے صارفین کو ایل این جی کنکشنز کیلئے اضافی فیس دینا ہوگی۔ درآمدی گیس کا ٹیرف ملکی گیس کے مقابلے میں 70 فیصد زیادہ ہوگا۔
یہ بھی پڑھیں: جائز مطالبات تسلیم نہ کیے گئے تو 26 جنوری کو پنجاب اسمبلی کے باہر دما دم مست قلندر ہوگا: صدر پاکستان کسان اتحاد نے دھمکی دیدی
صارفین کی تعداد اور ڈیمانڈ نوٹس
ذرائع پیٹرولیم ڈویژن کے مطابق، اس وقت ڈھائی لاکھ صارفین نے ڈیمانڈ نوٹس جمع کرا رکھا ہے جبکہ ہزار صارفین نے ارجنٹ فیس جمع کرا رکھی ہے۔
یہ بھی پڑھیں: نشے کی لت میں پڑنے والے ظالم باپ نے 6ماہ کے بیٹے کا گلہ کاٹ دیا
حکومت کا نیا فیصلہ
واضح رہے کہ حکومت نے 3 سال بعد گھریلو صارفین کے گیس کنکشن پر عائد پابندی ختم کرنے کا فیصلہ کیا ہے۔ ذرائع کے مطابق، گیس کنکشن پر عائد پابندی ختم کرنے کے لیے سفارشات تیار کرلی گئی ہیں۔ ایل این جی ٹیرف کی بنیاد پر صارفین کو گھریلو کنکشن فراہم کیا جائے گا۔
یہ بھی پڑھیں: بھارتی ایئر لائن ’ ایئر انڈیا‘ کی 25 سالہ پائلٹ نے خودکشی کیوں کی؟ حیران کن وجہ بھی سامنے آ گئی
آئندہ مالی سال کا عمل
آئندہ مالی سال کے دوران گھریلو کنکشن لگانے کا عمل شروع کیا جا سکے گا۔ معمول کے ڈیمانڈ نوٹس کی فیس 18 ہزار روپے مقرر کرنے کی سفارش کی گئی ہے۔ ارجنٹ پالیسی کے مطابق 80 ہزار روپے فیس وصول کرنے کی تجاویز تیار کی گئی ہیں۔
کنکشن کی قیمتیں
درآمدی ایل این جی کا گھریلو کنکشنز 5 سے 10 مرلے تک کے گھر کے لیے 40 ہزار میں پڑے گا۔ 20 ہزار ڈیمانڈ نوٹس کے 20 ہزار سیکیورٹی فیس جبکہ 10 مرلے سے زائد کے گھر رکھنے والے صارفین کو ڈیمانڈ نوٹس کے 23 ہزار اور سیکیورٹی فیس کے 20 ہزار روپے دینا ہوں گے۔
