کینسر کے علاج کے لیے نئی تاریخ رقم، وزیراعلیٰ پنجاب نے میئو ہسپتال میں کوابلیشن سینٹر کا افتتاح کر دیا

وزیراعلیٰ پنجاب کا دورہ چین

لاہور (ڈیلی پاکستان آن لائن) وزیراعلیٰ پنجاب مریم نواز شریف کے دورہ چین کے شاندار ثمرات آنا شروع ہوگئے ہیں۔ میئوہسپتال میں کینسر کے علاج کے لئے کو-ابلیشن سینٹر کا افتتاح کر دیا گیا ہے۔

یہ بھی پڑھیں: یہ قانون سازی نہیں، آئین اور قانون پر حملہ ہے، دنیا کو بتانا چاہتے ہیں اس وقت پاکستان میں ایک ڈھونگ رچایا جارہا ہے، سلمان اکرم راجا

کینسر کے علاج کے جدید طریقے

سینئر ریڈیالوجسٹ ڈاکٹر شہزاد کریم بھٹی نے کو-ابلیشن مشین کی ورکنگ کے بارے میں بریفنگ دی۔ بتایا گیا کہ کو-ابلیشن مشین پر کینسر سیل کولیکوڈ نائٹروجن کے ذریعے منفی 198 ڈگری تک فریز کرکے ڈیڈ کیا جاتا ہے۔ دوسرے مرحلے میں، کو-ابلیشن مشین کے ذریعے کینسر سیل کو 83 ڈگری تک ہیٹ اپ کرکے ختم کیا جاتا ہے۔

یہ بھی پڑھیں: اسرائیل، ایران تناؤ، فیلڈ مارشل سید عاصم منیر کا دورۂ واشنگٹن مزید اہمیت اختیار کر گیا

آپریشنز کی تفصیلات

60 سے 120 منٹ کے آپریشن کے بعد مریض چند ہی گھنٹوں میں چلنے پھرنے کے قابل ہوتا ہے۔ کو-ابلیشن مشین کے ذریعے ایک مریض کے علاج میں تقریباً 16 لاکھ روپے خرچ ہوتے ہیں۔ یہ مشین جگر، پھیپھڑے اور بریسٹ کینسر کے ابتدائی علاج کے لئے استعمال کی جارہی ہے۔

یہ بھی پڑھیں: نیا سال، نئی امید اور اپنے آپ کو سنوارنے کا بہترین موقع ہے: گورنر بلوچستان جعفر خان مندوخیل

وزیراعلیٰ کی مریضوں کے ساتھ ملاقات

اس موقع پر وزیراعلیٰ مریم نواز شریف نے کو-ابلیشن ٹریٹمنٹ کے بعد صحت یاب ہونے والے پہلے 5 مریضوں سے ملاقات کی۔ اپنے خطاب میں انہوں نے کہا کہ کینسر کے علاج کی جدید ٹیکنالوجی سب سے پہلے پنجاب میں متعارف کرائی گئی ہے۔ انہوں نے چین میں کینسر کے علاج کے جدید طریقوں کا مشاہدہ کیا اور کینسر کے علاج کے لئے جدید مشینری پاکستان لانے کے لئے ہدایات دیں۔