سیلاب متاثرہ علاقوں میں ریلیف سرگرمیاں تیز اور خاص طور پر کسانوں کی مدد کرنےکی ضرورت ہے، یوسف رضا گیلانی

ملتان میں سیلاب متاثرین کے لئے امدادی سرگرمیاں

ملتان (ڈیلی پاکستان آن لائن) قائم مقام صدر اور چیئرمین سینٹ سید یوسف رضا گیلانی کا کہنا ہے کہ سیلاب متاثرین کیلئے مزید خیموں اور بنیادی چیزوں کی فراہمی یقینی بنائی جا رہی ہے۔

یہ بھی پڑھیں: پاکستان نے یو اے ای کو 31 رنز سے شکست دے دی

حکومت کی امدادی سرگرمیاں

جلال پور پیر والا کے دورے کے موقع پر گفتگو کرتے ہوئے انہوں نے کہا کہ پنجاب حکومت کی متاثرین کے لئے امدادی سرگرمیاں قابل ستائش ہیں۔ سیلاب متاثرہ علاقوں میں ریلیف سرگرمیوں میں مزید تیزی لانی چاہئیں۔ سیلاب متاثرین کی بحالی کے لئے پرعزم ہیں۔

یہ بھی پڑھیں: کراچی میں سی ٹی ڈی فیوژن سینٹر کا افتتاح ، صوبے سے شدت پسندوں کو ختم کرنا ہوگا: مراد علی شاہ

جنوبی پنجاب کے متاثرہ علاقے

جنوبی پنجاب میں ملتان، مظفرگڑھ، اور بہاولپور کے علاقے سیلاب سے سب سے زیادہ متاثر ہوئے ہیں۔ سیلاب متاثرین کے یتیم بچوں کی ہوم سوئٹس مکمل کفالت کرے گا۔

یہ بھی پڑھیں: وزیراعلیٰ پنجاب مریم نواز سے جرمن پارلیمنٹ کی رکن دریاء ترک نخباؤرکی ملاقات

بے نظیر انکم سپورٹ پروگرام

چیئرمین سینیٹ کا کہنا تھا کہ وزیراعظم کو تجویز دی گئی کہ سیلاب زدہ علاقوں میں بے نظیر انکم سپورٹ پروگرام کی رقم بینک اکاؤنٹس میں بھیجی جائے۔ وزیراعظم کو متاثرین کے بجلی کے بلوں میں ریلیف دینے کی بھی تجویز دی گئی ہے۔

بہتر انداز میں امدادی کارروائیاں

متاثرین کیلئے مزید خیموں اور بنیادی چیزوں کی فراہمی یقینی بنائی جا رہی ہے۔ تمام ادارے بہتر انداز سے اپنا کام سر انجام دے رہے ہیں۔ یہ تنقید کا وقت نہیں ہے، جانوروں کے چارے اور ونڈے کے انتظامات کو بھی یقینی بنایا جا رہا ہے۔