شادی کے نام پر کم عمر لڑکی کو گھر سے بھگانے اور ایک ماہ تک زیادتی کرنے والا مشہور ٹک ٹاکر گرفتار

پشاور میں ٹک ٹاکر کی گرفتاری

پشاور (ڈیلی پاکستان آن لائن) خیبرپختونخوا کے ضلع چارسدہ کی پولیس نے ایک معروف ٹک ٹاکر کو گرفتار کیا ہے، جس نے کم عمر لڑکی کو شادی کے بہانے ورغلا کر گھر سے بھگایا اور ایک ماہ تک جنسی زیادتی کا نشانہ بنایا۔

یہ بھی پڑھیں: پہلگام حملہ، مودی نے بھارتی افواج کو کارروائی کیلئے فری ہینڈ دے دیا، فالس فلیگ آپریشن کا خطرہ

پولیس کی بروقت کارروائی

نجی ٹی وی چینل ایکسپریس نیوز کے مطابق، چارسدہ کی سٹی پولیس نے بروقت اور کامیاب کارروائی کرتے ہوئے مقامی معروف ٹک ٹاکر رضوان کو گرفتار کر لیا اور کم عمر لڑکی کو بازیاب کر لیا۔

یہ بھی پڑھیں: اسرائیل ایران جنگ میں اہم موڑ، ایران سے طیارے عمان کی طرف روانہ، مذاکرات شروع ہونے کا امکان

ملزم کی کارروائی کی تفصیلات

پولیس کے مطابق، ٹک ٹاکر نے ایک ماہ سے زائد عرصے تک لڑکی کو جنسی زیادتی کا نشانہ بنایا۔ ملزم نے ٹک ٹاک کے ذریعے چارسدہ کی ایک کم عمر لڑکی سے رابطہ قائم کیا اور شادی کے بہانے ورغلا کر بھگا لے گیا تھا۔

یہ بھی پڑھیں: مقبوضہ کشمیر سے خاتون شادی کے لیے بارڈر کراس کرکے آئیں تو کیا کیا؟ پاک فوج کے کیپٹن نے دلچسپ قصہ سنا دیا

لڑکی کی حالت اور پولیس کا اقدام

ایک ماہ سے زائد لڑکی کو استحصال کا نشانہ بنانے کے بعد اسے تنہا چھوڑ دیا گیا۔ واقعہ کی اطلاع ملتے ہیں ہی پولیس نے فوری ایکشن لیتے ہوئے متاثرہ لڑکی کو بازیاب کرا لیا۔ لڑکی نے ملزم کے خلاف باضابطہ درخواست دی۔

یہ بھی پڑھیں: دھمکی ملی ہے میرے بیٹے والد سے ملنے پاکستان گئے تو گرفتار کرلیا جائے گا: جمائمہ

ڈسٹرکٹ پولیس آفیسر کا نوٹس

ڈسٹرکٹ پولیس آفیسر چارسدہ محمد وقاص خان نے واقعہ کا سخت نوٹس لیتے ہوئے ڈی ایس پی سٹی زرداد علی خان کی قیادت میں ایس ایچ او تھانہ سٹی عمران خان اور دیگر افسران پر مشتمل خصوصی ٹیم تشکیل دی۔ اس ٹیم نے پیشہ ورانہ حکمت عملی اپناتے ہوئے کارروائی کی اور ملزم کو گرفتار کر لیا۔

تحقیقات اور کارروائی

گرفتار ملزم نے دوران تفتیش جرم کا اعتراف کر لیا ہے جبکہ متاثرہ لڑکی کا طبی ٹیسٹ بھی مثبت آیا ہے۔ ملزم کے خلاف مزید تفتیش جاری ہے اور قانون کے مطابق سخت کارروائی عمل میں لائی جارہی ہے۔