ٹرمپ کی بگرام ائیر بیس واپس لینے کی دھمکی پر افغان طالبان کا سخت ردعمل

افغان وزارت دفاع کی جانب سے ردعمل

کابل (ڈیلی پاکستان آن لائن) امریکی صدر ڈونلڈ ٹرمپ کی بگرام ایئر بیس واپس لینے کی دھمکی پر افغان وزارت دفاع کے سربراہ فصیح الدین فطرت کا بیان سامنے آگیا۔

یہ بھی پڑھیں: کے پی کے گورنر صوبے میں مہمان اداکار، کام صرف فیتے کاٹنا ہے: بیرسٹر سیف

بگرام ایئر بیس کا مستقبل

بگرام ایئر بیس واپس لینے کے امریکی صدر کے بیان پر ردعمل دیتے ہوئے سربراہ افغان وزارت دفاع فصیح الدین فطرت نے کہا کہ بگرام ایئر بیس پر کوئی معاہدہ ممکن نہیں ہے۔

یہ بھی پڑھیں: راولپنڈی میں سفاک ملزم نے باپ اور 2 بہنوں کو قتل کردیا، کمسن بھانجے کو ذبح، حالت نازک

معاہدے کی ضرورت نہیں

فصیح الدین فطرت نے مزید کہا کہ کچھ لوگ سیاسی ڈیل کے تحت بگرام ایئر بیس واپس لینا چاہتے ہیں، لیکن افغانستان کی ایک انچ زمین پر بھی معاہدہ ممکن نہیں۔ افغانستان کی زمین پر کسی معاہدے کی ہمیں ضرورت نہیں ہے۔

یہ بھی پڑھیں: پنجاب : چینی باشندوں کی سکیورٹی کیلئے لگژری گاڑیاں خریدنے کا فیصلہ

ٹرمپ کے بیانات

خیال رہے کہ امریکی صدر ڈونلڈ ٹرمپ کئی بار کہہ چکے ہیں کہ امریکا کو افغانستان کی بگرام ایئر بیس نہیں چھوڑنی چاہیے تھی۔ انہوں نے کہا ہے کہ ہم بگرام ایئر بیس واپس لیں گے اور اس حوالے سے بات چیت جاری ہے۔

یہ بھی پڑھیں: پیپلزپارٹی کے اعلیٰ سطح کے وفد کی مولانا فضل الرحمان سے ملاقات

نتائج کی دھمکی

ڈونلڈ ٹرمپ کا کہنا ہے کہ اگر افغانستان بگرام ایئر بیس امریکا کو واپس نہیں دیتا تو اسے سنگین نتائج بھگتنا ہوں گے۔

یہ بھی پڑھیں: انگریز گاؤں کو ”گھسیٹ“کر اسٹیشن والی جگہ پر لے آئے اور 1894ء میں ایک ریلوے اسٹیشن بنا کر اس کا نام روجھاں والی رکھ دیا

چینی ردعمل

کچھ روز قبل چین کی جانب سے امریکی صدر ڈونلڈ ٹرمپ کے بگرام ایئر بیس سے متعلق بیان پر ردعمل میں کہا گیا کہ افغانستان کے مستقبل کا فیصلہ افغانوں کے ہاتھ میں ہونا چاہئے۔

خطے میں امن کی کوششیں

چینی وزارت خارجہ کے ڈپٹی ڈائریکٹر نے کہا ہے کہ ہم خطے میں کشیدگی یا تناؤ کی حمایت نہیں کریں گے، اور امید کرتے ہیں کہ تمام فریق خطے کے امن اور استحکام کے لیے تعمیری کردار ادا کریں گے۔