ایشیا کپ: بھارت کے ہاتھوں دوبارہ شکست پر مریم نفیس نے محسن نقوی سے کیا درخواست کی؟ ٹوئٹ وائرل
پاکستانی اداکارہ کی درخواست
لاہور(ڈیلی پاکستان آن لائن) پاکستانی اداکارہ مریم نفیس نے پاکستان کرکٹ بورڈ کے چیئرمین محسن نقوی سے ٹیم میں انڈر 19 پلیئرز کو کھیل کا حصہ بنانے کی درخواست کردی۔
یہ بھی پڑھیں: دنیا کی سب سے زیادہ سست الوجود قوم مصری ہیں، یہ پہلا عرب ملک تھا جہاں دوپہر کو باقاعدہ قیلولہ کیلئے سرکاری طور پر تین چار گھنٹے کا وقفہ دیا جاتا
سوشل میڈیا پر پیغام
ایکس پر جاری بیان میں اداکارہ مریم نفیس نے لکھا کہ ’محسن برو، انڈر 19 والے پلیئرز کھلوالو، پلیز‘۔
• Mohsin bro, under 19 wale khilwa lo pliss ???? #PAKvIND
— Mariyam Nafees Amaan (@MariyamNafeees) September 21, 2025
یہ بھی پڑھیں: وزیراعلی پنجاب کا سابق رکن اسمبلی حاجی عرفان احمد خان ڈاہاکے انتقال پر اظہار افسوس
بھارت کے خلاف میچ کا نتیجہ
یاد رہے کہ گزشتہ روز ایشیا کپ ٹی ٹوئنٹی کے سپر فور مرحلے کے دوسرے میچ میں بھارت نے پاکستان کو 6 وکٹوں سے شکست دی تھی، پاکستان نے بھارت کو جیت کے لیے 172 رنز کا ہدف دیا جو بھارت نے 19 ویں اوور میں 4 وکٹوں کے نقصان پر پورا کرلیا۔
یہ بھی پڑھیں: کیا سنجے دت اور بیٹی کے درمیان تعلقات خراب ہیں؟ ترشیلا دت کی مبہم پوسٹ وائرل
پاکستان کے فائنل تک پہنچنے کے امکانات
بھارت سے شکست کے بعد پاکستان کے لئے ٹورنامنٹ کا فائنل کھیلنے کے امکانات محدود ہوچکے ہیں۔
پاکستان کو فائنل تک پہنچنے کیلئے اپنے آئندہ دونوں میچ جیتنے ہوں گے، کسی ایک میچ میں شکست کی صورت میں بھی پاکستان ٹورنامنٹ سے باہر ہوجائے گا۔
پچھلے میچ کی صورتحال
اس سے قبل ایونٹ کے گروپ میچ میں بھی بھارت نے پاکستان کو باآسانی شکست دی تھی۔
