پاکستان کرکٹ بورڈ نے سکولز کے لیے ٹیلنٹ ہنٹ پروگرام کا اعلان کردیا

لاہور (ڈیلی پاکستان آن لائن) پاکستان کرکٹ بورڈ نے سکولز کے لیے ٹیلنٹ ہنٹ پروگرام کا اعلان کردیا، جس میں ملک بھر سے 39 اضلاع کے 400 سے زائد سکول حصہ لیں گے۔

پہلا مرحلہ

پہلے مرحلے میں ان تمام سکولز میں ٹرائلز کے ذریعے ٹیمیں منتخب ہوں گی۔ پی سی بی کے 60 سے زیادہ کوچز تمام منتخب شدہ سکولز میں ٹرائلز لیں گے۔ ستمبر کے تیسرے ہفتے میں 400 سے زائد سکولز کا 40 اوورز کا ٹورنامنٹ شروع ہوگا۔

ون ڈے ٹورنامنٹ

ون ڈے ٹورنامنٹ کی بہترین 100 ٹیمیں ویکنڈ سکولز لیگ میں شرکت کریں گی۔ ویکنڈ سکولز لیگ 2 روزہ میچز پر مشتمل ہوگی۔ ون ڈے ٹورنامنٹ کی چیمپئن سکول ٹیم بیرون ملک دورہ کرے گی۔ سکولز ٹورنامنٹ کے ٹاپ پرفارمر پی سی بی انڈر 15 اور انڈر 17 ٹورنامنٹس میں شرکت کریں گے۔

فنڈنگ اور سہولیات

ڈائریکٹر ڈومیسٹک کرکٹ عبداللہ خرم نیازی کا کہنا ہے کہ سکولز ٹیلنٹ ہنٹ پروگرام کی ساری فنڈنگ پی سی بی کرے گا، سکولز ٹیلنٹ ہنٹ پروگرام سے بچے تعلیم کے ساتھ کرکٹ بھی کھیلیں گے۔ پی سی بی ملک بھر میں 168 سکول گراؤنڈ آباد کرے گا۔