سعید غنی: بانی پی ٹی آئی انا پرست، پاکستان کی فکر نہیں

سعید غنی کی پریس کانفرنس

کراچی (ڈیلی پاکستان آن لائن ) پاکستان پیپلز پارٹی کے رہنما سعید غنی کا کہنا ہے کہ بانی پی ٹی آئی انا پرست انسان ہیں اور بدقسمتی سے ان کی انا پاکستان سے بھی اونچی ہے، انہیں پاکستان کی بھی پرواہ نہیں۔

یہ بھی پڑھیں: آبنائے ہرمز کی اہمیت ہے اور عالمی معیشت پر اس کی ممکنہ بندش سے اثرات

عمران خان کا مقصد

کراچی میں پریس کانفرنس کرتے ہوئے سعید غنی نے کہا کہ پی ٹی آئی کو جب تک سہولت ملتی رہی سب کچھ ٹھیک تھا، عمران خان کا مقصد اقتدار حاصل کرنا ہے اور دوسری صورت میں ملک کو تباہ کرنا ہے۔

یہ بھی پڑھیں: سکھ چین کی زندگی جیو، روٹی کھاؤ، ورنہ میری گولی تو ہے ہی” بھارتی وزیراعظم مودی پاکستانی عوام کو دھمکیاں دینے پر اتر آئے، ویڈیو وائرل

معاشی معاملات میں مداخلت

انہوں نے کہا کہ پی ٹی آئی نے آئی ایم ایف کو خط لکھا تاکہ معاہدہ خراب ہو اور ملک کی معیشت تباہ ہو جائے۔

یہ بھی پڑھیں: خواب میں فوت شدہ افراد کو دیکھنے کے معنی اور تعبیریں

فوج کے ساتھ تعلقات

پیپلز پارٹی کے رہنما نے کہا کہ بانی پی ٹی آئی نے پہلے بھی دھرنے میں افسران کو دھمکیاں دیں اور اداروں پر حملہ کیا، پھر جب فوج نے خود کو سیاست سے الگ کیا تو وہ فوج کے مخالف ہوگئے۔

یہ بھی پڑھیں: لاہور کے علاقے ڈیفنس سے اغوا ہونے والی خاتون بچوں سمیت وہاڑی سے بازیاب، ملزم کا کیا بنا؟ پتہ چل گیا۔

ملکی مسائل اور دھرنے

انہوں نے کہا کہ بانی پی ٹی آئی آج بھی ملک کے مسائل میں اضافے کا سبب بن رہے ہیں، ماضی میں چینی صدر کی آمد پر دھرنا دیا گیا اور اب شنگھائی تعاون تنظیم کے سربراہی اجلاس کو بھی خراب کروانا چاہتے ہیں۔

یہ بھی پڑھیں: یادیں دکھ کے آنسو آنکھوں میں اتار دیتی ہیں، دن تو کسی نہ کسی طرح گزر ہی جاتا ہے، یہ رات کیوں آتی ہے جو تاروں بھری نہیں یادوں بھری ہوتی ہے۔

گرفتاریوں پر ردعمل

سعید غنی نے کہا کہ بانی پی ٹی آئی کی گرفتاری سیاستدانوں سے الگ نہیں، کونسا سیاستدان ہے جو جیل نہیں گیا یا گرفتار نہیں ہوا، انہوں نے گرفتاری کے ردعمل میں فوج میں انتشار پیدا کرنے کی کوشش کی ہے۔

یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا ؟

فارن فنڈنگ کیس

ان کا کہنا ہے کہ پی ٹی آئی کا فارن فنڈنگ کیس سب نے دیکھا ہے، قانون کے مطابق سیاسی جماعتیں فنڈ لے سکتی ہیں مگر کسی غیر ملکی سے نہیں، بھارتی اور اسرائیلی شہریوں کا پاکستان کی سیاسی جماعت کو فنڈز دینا سمجھ سے بالاتر ہے۔ اس پر کارروائی ہونی چاہئے تھی مگر کچھ نہیں ہوا۔

یہ بھی پڑھیں: فواد چودھری کی 9 مئی کے 35 مقدمات یکجا کرنے کی درخواست پر فریقین کو نوٹس

پیپلز پارٹی کی قیادت

انہوں نے کہا کہ ہم پیدائشی پیپلز پارٹی کے جیالے ہیں، ہم اپنی قیادت کی اندھی تقلید نہیں کرتے، خدانخواستہ ہماری قیادت کوئی ایسا فیصلہ کرے جو ملک مخالف ہو، ہم اسے نہیں مانیں گے۔

یہ بھی پڑھیں: یوکرین کے اہم ترین شہر پر حملے کی قیادت کرنے والا روسی نوجوان بم دھماکے میں ہلاک

آئینی اصلاحات

سعید غنی نے کہا کہ میثاقِ جمہوریت میں طے ہوا ہے کہ آئینی عدالتیں قائم ہوں، بدقسمتی سے سپریم کورٹ کا 85 فیصد وقت آئینی مقدمات میں صرف ہوتا ہے، قاضی فائز عیسیٰ کے خلاف انہوں نے منظم مہم چلائی ہے، پی ٹی آئی ججز کو متنازع بنانا چاہتی ہے، آئینی عدالت کے لئے آئینی ترمیم ضروری ہے۔

یہ بھی پڑھیں: خیبر پختونخوا میں سڑک کنارے نصب بم سے پولیس موبائل پر حملہ، 2 اہلکار زخمی

نیاز خان کی شمولیت

اس موقع پر پیپلز پارٹی کے رہنما وقار مہدی نے بتایا کہ نیاز خان نے پیپلز پارٹی میں شمولیت اختیار کر لی ہے، ان کی شمولیت سے پیپلز پارٹی کو فائدہ ہوگا۔

شہری بہتری کے لئے کام

انہوں نے مزید کہا کہ مختلف سیاسی کارکنان پے در پے پیپلز پارٹی میں شامل ہو رہے ہیں۔ اس حوالے سے نیاز خان کا کہنا ہے کہ "40 سال میں نے اے این پی میں کام کیا، اب پیپلز پارٹی کے ساتھ مل کر شہر کی بہتری کے لئے کام کریں گے اور ہم سب قوموں کو ساتھ لے کر چلیں گے۔"