بانی پی ٹی آئی کی بہنوں اور اسد قیصر کے بھائی کی ایک روزہ جسمانی ریمانڈ کی منظوری

جسمانی ریمانڈ کی منظوری

اسلام آباد (ڈیلی پاکستان آن لائن) بانی پی ٹی آئی کی بہنوں اور اسد قیصر کے بھائی کا ایک روزہ جسمانی ریمانڈ منظور کر لیا گیا۔

یہ بھی پڑھیں: سعودی عرب اور فرانس کی مشترکہ صدارت میں فلسطینی ریاست کے قیام سے متعلق بین الاقوامی کانفرنس اب 28-29 جولائی کو متوقع ہے:علامہ طاہر محمود اشرفی

عدالت میں پیشی

سما ٹی وی کے مطابق عظمیٰ خان اور علیمہ خان کو ڈسٹرکٹ کورٹ اسلام آباد پیش کیا گیا۔ عظمیٰ خان اور علیمہ خان کو ڈیوٹی جج اظہر ندیم کی عدالت میں پیش کیا گیا۔

یہ بھی پڑھیں: حکومت نے 19 لاکھ میٹرک ٹن چینی کنٹرول میں لےلی، 18 شوگر ملز کے مالکان کے نام ای سی ایل میں شامل

عدالتی حکم

عدالت نے بانی پی ٹی آئی کی بہنوں اور اسد قیصر کے بھائی عدنان خان کا ایک روزہ جسمانی ریمانڈ منظور کر لیا۔ ڈیوٹی جج نے تینوں ملزمان کو کل انسداد دہشتگردی عدالت میں پیش کرنے کا حکم دے دیا۔

یہ بھی پڑھیں: فطرت توازن، صبر اور حوصلے کا سبق دیتی ہے: وزیر اعلیٰ مریم نواز کا ’’ایکس ‘‘ پر پیغام

دیگر ملزمان کی صورتحال

عدالت نے پی ٹی آئی کی دیگر 9 خواتین کارکنوں کو جوڈیشل ریمانڈ پر جیل بھیج دیا، عدالت نے 102 پی ٹی آئی کارکنوں کو بھی شناخت پریڈ کیلئے جیل بھیجنے کا حکم دیا۔

مقدمات کی تفصیلات

بانی پی ٹی آئی کی بہنوں علیمہ خان اور عظمیٰ خان کے خلاف مقدمہ درج کر لیا گیا۔ علیمہ خان اور عظمیٰ خان کے خلاف مقدمہ تھانہ کوہسار میں درج کیا گیا، مقدمہ دہشت گردی سمیت 16 دفعات کے تحت درج کیا گیا ہے۔