تحریک انصاف کا احتجاج لاہور میں: 22 مقدمات مختلف تھانوں میں درج

لاہور میں پی ٹی آئی کے خلاف مقدمات

لاہور (ڈیلی پاکستان آن لائن) میں پی ٹی آئی کے احتجاج کے دوران عمران خان اور مرکری قیادت سمیت درجنوں کارکنوں کے خلاف 22 مقدمات درج کرلئے گئے ہیں۔

یہ بھی پڑھیں: ملک بھر کے بجلی صارفین کے لیے بڑی خوشخبری، اربوں روپے کا ریلیف ملنے کا امکان

مقدمات کا پس منظر

نجی چینل سماٹی وی کے مطابق، گزشتہ روز لاہور میں پی ٹی آئی احتجاج کے دوران گرفتار ہونے والے درجنوں کارکنوں اور عمران خان سمیت تمام مرکزی قیادت کے خلاف شہر بھر کے مختلف تھانوں میں 22 مقدمات درج کیے گئے ہیں۔

یہ بھی پڑھیں: یو اے ای: خاتون کو چکما دیکر ایک لاکھ 95 ہزار درہم چوری کرنے والے چور 3 گھنٹے میں گرفتار

مقدمات کی نوعیت

ایف آئی آر میں دہشتگردی کی دفعات کے تحت بانی پی ٹی آئی سمیت مرکزی قیادت اور کارکن نامزد ہیں۔ تھانہ اسلام پورہ، شفیق آباد، لاری اڈا، اور مستی گیٹ میں دہشتگردی کی دفعات کے تحت مقدمات درج کیے گئے ہیں۔

یہ بھی پڑھیں: فیفا ورلڈ کپ ڈراز کا اعلان، 48 ٹیمیں 12 گروپس میں تقسیم، ایونٹ آئندہ برس کینیڈا اور میکسیکو میں کھیلا جائے گا

دفعہ 144 کی خلاف ورزی

تھانہ شاہدرہ، ملت پارک، اور ہنجروال میں دفعہ 144 کی خلاف ورزی پر بھی مقدمات درج کیے گئے۔ پولیس کے مطابق کینٹ ڈویڑن کے مختلف تھانوں میں بھی دفعہ 144 کی خلاف ورزی پر مقدمات درج کیے گئے ہیں۔ گزشتہ روز احتجاج کرنے والے درجنوں مظاہرین کو حراست میں لیا گیا۔

راولپنڈی میں بھی کارروائی

راولپنڈی میں تھانہ ٹیکسلا میں 300 پی ٹی آئی کارکنوں کے خلاف مقدمہ درج کرلیا گیا ہے۔ مقدمے میں بانی پی ٹی آئی، راجہ بشارت، تیمور مسعود سمیت دیگر کو نامزد کیا گیا ہے۔ یہ مقدمہ دہشتگردی ایکٹ اور تعزیرات پاکستان کی 16 دفعات کے تحت درج کیا گیا ہے۔