چکن کی فی کلو قیمت میں 100 روپے کا حیران کن اضافہ

فیصل آباد میں چکن کی قیمتیں

فیصل آباد (ڈیلی پاکستان آن لائن) میں چکن سرکاری ریٹ 594 روپے فی کلو کے بجائے 700 روپے میں فروخت ہونے لگا۔ پرائس کنٹرول کمیٹیاں سرکاری ریٹ لسٹ پر عمل درآمد کروانے میں مکمل ناکام ہیں۔

یہ بھی پڑھیں: پاکستانی سپنر نعمان علی آئی سی سی پلیئر آف دی منتھ قرار

پرائس کنٹرول کمیٹیوں کی ناکامی

فیصل آباد میں پرائس کنٹرول کمیٹیاں سرکاری ریٹ لسٹ پر عمل درآمد کروانے میں مکمل ناکام ہیں۔ چکن کی سرکاری قیمت 594 روپے کلو ہے، تاہم اوپن مارکیٹ میں 700 روپے میں فروخت جاری ہے۔

یہ بھی پڑھیں: عارف والا میں بیٹے کا بوڑھی والدہ پر تشدد، وزیر اعلیٰ مریم نواز کا نوٹس، آئی جی سے رپورٹ طلب

دکانداروں اور شہریوں کے خدشات

دکانداروں کا کہنا ہے کہ چکن کا ریٹ پیچھے سے ہی زیادہ ہے اور وہ سرکاری ریٹ پر کیسے بیچیں، جبکہ شہریوں کا کہنا ہے کہ کوئی چیز سرکاری ریٹ پر نہیں ملتی اور انتظامیہ بھی کوئی ایکشن نہیں لیتی۔

لاہور کے ماڈل بازار کی سبزیوں کی قیمتیں

دوسری جانب لاہور کے ماڈل بازار میں سبزیوں کی قیمتیں کم نہیں ہوسکیں۔ کسی بھی سبزی کی قیمت 100 روپے سے کم نہیں ہے۔ ادرک ایک ہزار روپے فی کلو تک پہنچ گئی ہے، جبکہ آلو 100، پیاز 180، کریلے 225، لیموں 400 روپے، بھنڈی، ٹماٹر، کدو، بینگن، شلجم، میتھی 150 روپے فی کلو تک پہنچ گئی ہیں۔