سرکاری کالج کی عمارت پر وزیراعلیٰ پنجاب مریم نواز کی تصویر والا جھنڈا لگانے پر کالج پرنسپل کو شوکاز نوٹس جاری
گجرات: شوکاز نوٹس کا اجرا
گجرات(ڈیلی پاکستان آن لائن) سرکاری کالج کی عمارت پر وزیراعلیٰ پنجاب مریم نواز کی تصویر والا جھنڈا لگانے پر کالج پرنسپل کو شوکاز نوٹس جاری کردیا گیا۔
یہ بھی پڑھیں: منی پور میں احتجاج اور توڑ پھوڑ شروع
واقعہ کی تفصیلات
گورنمنٹ گریجویٹ کالج کھاریاں کی عمارت پر وزیراعلیٰ پنجاب مریم نواز کی تصویر والا جھنڈا لگایا گیا تھا جس کی ویڈیو انٹرنیٹ پر وائرل ہوئی۔
یہ بھی پڑھیں: ناچاہتے ہوئے بھی میں عظیم عمارتوں کے سحر میں گم ہوگیا، ذہن میں ایک بار پھر فرعونوں کا دور فلم کی طرح چلنے لگا، جہاں ہر طرف زندگی ہی زندگی ہوتی تھی
شوکاز نوٹس کا مواد
ڈائریکٹر کالجز شعیب عاشق بٹ کی جانب سے کالج پرنسپل کو جاری شوکاز نوٹس میں کہا گیا ہے کہ کالج کی عمارت پر وزیراعلیٰ پنجاب کی تصویر والا جھنڈا مجاز اتھارٹی کی اجازت کے بغیر لگایا گیا۔ شوکاز نوٹس کے مطابق یہ عمل غفلت اور بدانتظامی کے زمرے میں آتا ہے۔
یہ بھی پڑھیں: ذمہ دار صحافت جمہوری استحکام اور عوامی شعور کے فروغ کیلیے ناگزیر ہےچیئرمین سینیٹ
پرچم ہٹانے کا عمل
شوکاز نوٹس کے بعد کالج کی عمارت سے پرچم ہٹوا دیا گیا۔
سوشل میڈیا پر ردعمل
گورنمنٹ گریجویٹ کالج کھاریاں کی سرکاری عمارت پر پاکستان کے جھنڈے کے ساتھ مریم نواز کی تصویر کا جھنڈا۔
یہ کس قسم کا نیا مذاق ہے؟ اب صرف یہی رہ گیا ہے کہ زبردستی بچوں کے یونیفارم پر بھی اپنی تصویر نصب کر دیں۔ pic.twitter.com/tTrP4KBAQL
— Maleeha Hashmey (@MaleehaHashmey) October 15, 2025
