انڈونیشیا نے چین سے جدید J-10 سی لڑاکا طیارے خریدنے کا فیصلہ کر لیا

انڈونیشیا کا چین سے جے 10 سی لڑاکا طیارے خریدنے کا فیصلہ

جکارتہ(ڈیلی پاکستان آن لائن) انڈونیشیا نے چین سے جدید جے 10 سی لڑاکا طیارے خریدنے کا فیصلہ کرلیا۔ چینی میڈیا کے مطابق انڈونیشیا کے وزیرِ دفاع نے اعلان کیا ہے کہ ملک جلد ہی چین کے جدید جے0 سی لڑاکا طیارے خریدنے جا رہا ہے جس کے بعد انڈونیشیا جے 10 سی طیارے استعمال کرنے والا تیسرا ملک بن جائے گا۔

یہ بھی پڑھیں: پنجاب ایسڈ کنٹرول بل 2025 قائمہ کمیٹی سے منظور، خواتین کے تحفظ کی جانب اہم پیش رفت

تاریخی معاہدہ

جے 10 سی طیاروں کی خریداری کا یہ معاہدہ انڈونیشیا کی تاریخ میں پہلا موقع ہوگا جب وہ چینی ساختہ جنگی طیارے خریدے گا جو اس کی فوجی صلاحیتوں کو جدید بنانے کے منصوبے کا حصہ ہے۔ انڈونیشیا کے وزیرِ دفاع سجافری سیامسودین نے بدھ کے روز قومی خبر رساں ادارے انتارا کو بتایا کہ 'ہم جلد ہی جے0 سی طیارے خریدنے جا رہے ہیں اور وہ بہت جلد جکارتہ کی فضاؤں میں پرواز کرتے نظر آئیں گے'۔ تاہم انہوں نے طیاروں کی خریداری کے ٹائم فریم یا ترسیل کی تاریخ کے بارے میں کوئی تفصیل نہیں دی۔

یہ بھی پڑھیں: ایران نے ایٹمی منصوبے کی دوبارہ کوشش کی تو ناکام بنائیں گے: اسرائیلی وزیر اعظم

خزانہ اور طیاروں کی تعداد

دوسری جانب انڈونیشیا کے وزیر خزانہ پربایا یوڈی سادیوا نے بھی تصدیق کی کہ ان کی وزارت نے طیاروں کی خریداری کے لیے 9 ارب ڈالر کی منظوری دے دی ہے۔ غیر ملکی خبررساں ایجنسی کے مطابق انڈونیشیا کم از کم 42 جے0 سی طیارے خریدنے کا ارادہ رکھتا ہے۔ انڈونیشیا کی وزارتِ دفاع نے گزشتہ ماہ اس منصوبے کا انکشاف کیا تھا اور ترجمان نے کہا تھا کہ انڈونیشیا 'اپنی فضائیہ کے لیے بہترین جنگی ہتھیار' حاصل کرنا چاہتا ہے۔

یہ بھی پڑھیں: اسرائیلی جارحیت سے عالمی امن کو خطرات لاحق ہیں: اسحاق ڈار کا او آئی سی وزرائے خارجہ کونسل اجلاس سے خطاب

فضائی دفاع کی مضبوطی

مقامی میڈیا کے مطابق، انڈونیشین فضائیہ اس وقت چینی ساختہ جے0 سیریز کا تفصیلی جائزہ لے رہی ہے تاکہ یہ یقینی بنایا جا سکے کہ ان کی شمولیت سے ملک کی فضائی دفاعی صلاحیتیں مؤثر طور پر مضبوط ہوں گی۔ جے0 طیارہ چینگڈو ائیرکرافٹ کارپوریشن نے 1980 کی دہائی میں تیار کیا تھا، اس کا جدید ورژن جے0 سی چین کا 4.5 جنریشن کا طیارہ ہے جو چین کی دفاعی صنعت کی ایک اہم اور نمائندہ پروڈکٹ سمجھا جاتا ہے۔ یہ طیارہ جدید انجن، اے ای ایس اے ریڈار (AESA Radar) اور پی ایل5 میزائلوں سے لیس ہے۔

پاکستان اور جے 10 سی

فی الحال چین کے علاوہ پاکستان واحد ملک ہے جو جے0 سی طیارے استعمال کرتا ہے۔ پاکستان نے 2020 میں 36 جے0 سی طیارے اور 250 پی ایل5 ای میزائل آرڈر کیے تھے۔ رپورٹ کے مطابق، پاک فضائیہ نے مئی میں بھارت کے ساتھ جھڑپ کے دوران جے0 سی طیارے استعمال کیے، جنہوں نے بھارتی فضائیہ کے متعدد طیارے، بشمول فرانسیسی ساختہ رافیل طیارے مار گرائے تھے۔