ملک میں ہفتہ وار مہنگائی میں اضافہ، مجموعی سالانہ شرح 4.57 فیصد ہوگئی

ہفتہ وار مہنگائی کا اضافہ

اسلام آباد(ڈیلی پاکستان آن لائن) ملک میں ہفتہ وار منہگائی میں 0.49 فیصد کا اضافہ ریکارڈ کیا گیا ہے۔

یہ بھی پڑھیں: ریلی میں کرنل صوفیہ قریشی کے اہلخانہ کو بلوا کر مودی پر گل پاشی کروائی گئی، بی جے پی حکومت کو تنقید کا سامنا

وفاقی ادارہ شماریات کی رپورٹ

نجی ٹی وی چینل جیو نیوز کے مطابق وفاقی ادارہ شماریات نے مہنگائی سے متعلق ہفتہ وار رپورٹ جاری کردی ہے جس میں بتایا گیا ہے کہ ملک میں ہفتہ وار مہنگائی میں 0.49 فیصد کا اضافہ ریکارڈ کیا گیا، جبکہ مہنگائی کی مجموعی سالانہ شرح 4.57 فیصد ہوگئی ہے۔

یہ بھی پڑھیں: ویوو کا جدید سمارٹ فون Y19s پاکستان میں متعارف کروا دیا گیا

اشیائے ضروریہ کی قیمتوں میں تبدیلی

رپورٹ کے مطابق ایک ہفتے میں 24 اشیائے ضروریہ مہنگی اور 8 سستی ہوئیں، جبکہ 19 اشیائے ضروریہ کی قیمتیں مستحکم رہیں۔

یہ بھی پڑھیں: سونے کی فی تولہ قیمت میں 1500روپے کمی

مہنگائی کے نمایاں عوامل

ادارہ شماریات کے مطابق ایک ہفتے میں ٹماٹر 33.20 فیصد، پیاز 8.70 فیصد، انڈے 2.18 فیصد، اور آٹا 1.42 فیصد مہنگے ہوئے۔ مزید برآں، چینی، گھی، کوکنگ آئل، لہسن اور آلو سمیت دیگر اجناس کی قیمتوں میں بھی اضافہ ہوا۔

قیمتوں میں کمی کی صورت حال

رپورٹ میں بتایا گیا ہے کہ ایک ہفتے میں چکن 6.38 فیصد اور کیلے 4.70 فیصد سستے ہوئے، جبکہ پیٹرول، ڈیزل، دالیں اور چاول کی قیمتوں میں بھی کمی ہوئی۔