شمالی وزیرستان میں سیکیورٹی فورسز نے فتنہ الخوارج کی خود کش حملے کی کوشش ناکام بنا دی ، 4 دہشتگرد ہلاک

خود کش حملے کی کوشش ناکام

راولپنڈی (ڈیلی پاکستان آن لائن) شمالی وزیرستان میں سیکیورٹی فورسز نے فتنہ الخوارج کی خود کش حملے کی کوشش ناکام بنا دی اور 4 دہشتگرد جہنم واصل کر دیئے۔

یہ بھی پڑھیں: جدہ میں مقیم پاکستانیوں کی ایئرپورٹ دور ہونے کی شکایت جلد حل کر دی جائے گی، پی آئی اے کنٹری مینجر جان محمد مہر

واقعے کی تفصیلات

تفصیلات کے مطابق شمالی وزیرستان میں کھادی پوسٹ پر فتنہ الخوارج نے بزدلانہ خود کش حملے کی ناکام کوشش کی۔ سیکیورٹی ذرائع کے مطابق گذشتہ روز فتنہ الخوارج کے دہشت گردوں کے خودکش حملے میں 3 خواتین اور 2 بچے جاں بحق ہوگئے۔ سیکیورٹی فورسز نے خوارج کا خودکش حملہ ناکام بناتے ہوئے 4 دہشت گردوں کو ہلاک کیا۔ خارجی دہشت گرد گل بہادر گروپ نے اس دھماکے کی ذمے داری قبول کی تھی۔

یہ بھی پڑھیں: پاکستان تحریک انصاف کا پشاور اور کوئٹہ میں جلسہ کرنے کا فیصلہ

سیکیورٹی کی صورت حال

سیکیورٹی ذرائع نے مزید بتایا کہ خارجی گل بہادر افغان طالبان کی سرپرستی میں افغانستان میں چھپا ہوا ہے، فتنہ الخوارج کے دہشت گرد بھرپور ناکامی کے بعد معصوم شہریوں کو نشانہ بنا رہے ہیں۔

عزم برائے قومی سلامتی

سیکیورٹی ذرائع نے مزید کہا کہ سیکیورٹی فورسز ملک سے دہشت گردی کے ناسور کے مکمل خاتمے کے لیے پرعزم ہیں۔