وفاقی وزیر اطلاعات و نشریات عطاء اللہ تارڑ سے روس کے سفیر کی ملاقات

ملاقات کا آغاز

اسلام آباد (سٹاف رپورٹر) وفاقی وزیر اطلاعات و نشریات عطاء اللہ تارڑ سے پاکستان میں روس کے سفیر البرٹ پی خوروف نے ملاقات کی۔ اس موقع پر پاک روس میڈیا تعاون پر غور کیا گیا۔

یہ بھی پڑھیں: ڈی سی سیالکوٹ نے سیلاب متاثرہ 26 سرکاری اسکولز میں 11 اور 12 ستمبر کو تعطیل کا نوٹیفکیشن جاری کر دیا

دوطرفہ تعلقات اور سیاحت

دوطرفہ تعلقات، شمالی علاقہ جات کی قدرتی خوبصورتی، سیاحت کے فروغ اور میڈیا تعاون کے مختلف پہلوئوں پر بھی تبادلہ خیال کیا گیا۔ ملاقات میں قومی خبر رساں ادارہ ایسوسی ایٹڈ پریس آف پاکستان کارپوریشن (اے پی پی) اور روس کی Sputnik نیوز ایجنسی کے درمیان مفاہمت کی یادداشت، پاکستان ٹیلی ویژن (پی ٹی وی ورلڈ) اور آر ٹی (رشین ٹی وی) کے مابین تعاون کے معاہدے کو حتمی شکل دینے پر بھی گفتگو ہوئی۔

یہ بھی پڑھیں: خطے کے ڈائنامکس تبدیل، ایران عالمی اقتصادی دباؤ بڑھانے کی پالیسی کی طرف جاتا نظر آرہا ہے، اگلہ ممکنہ ہدف کیا ہو گا؟ الجزیرہ کا تجزیہ

ڈیجیٹل انفلوئنسرز کا تبادلہ

اس موقع پر عوامی سطح کے تبادلہ پروگرام کے تحت ڈیجیٹل انفلوئنسرز اور نوجوانوں پر مشتمل وفود کے تبادلوں سے متعلق تجاویز پر بھی غور کیا گیا۔

یہ بھی پڑھیں: 3800 روپے بجلی بل ادا نہیں کیا، شہری نے ہمسائے سے بجلی تو جیل میں ڈال دیا گیا، پھر اس نے خودکشی کر لی، عدنان حیدر کا افسوسناک انکشاف

وفاقی وزیر کا بیان

وفاقی وزیر اطلاعات نے کہا کہ پاکستان اور روس کے درمیان باہمی اعتماد اور احترام پر مبنی سفارتی تعلقات استوار ہیں۔

روسی سفیر کی رائے

روس کے سفیر نے کہا کہ پاکستان میں شمالی علاقہ جات کی سیاحتی صلاحیت دنیا بھر کے سیاحوں کے لئے پرکشش ہے، روسی سیاح پاکستان کے سیاحتی علاقوں میں خاص دلچسپی رکھتے ہیں۔ انہوں نے کہا کہ پاکستان اور روس کے تعلقات کو نئی جہتوں سے استوار کرتے ہوئے عملی شراکت داری میں تبدیل کیا جائے گا۔