بچوں کے لیے خوشخبری، 8 سال انتظار کے بعد لاہور میں زرافہ دیکھ سکیں گے: وزیر اعلیٰ کا ’’ایکس‘‘ پر پیغام

وزیر اعلیٰ پنجاب کی خوشخبری

لاہور (ڈیلی پاکستان آن لائن) وزیر اعلیٰ پنجاب مریم نواز نے سماجی رابطے کی ویب سائٹ ’’ایکس‘‘ پر ایک پیغام میں بچوں کو خوشخبری سنائی ہے۔ 8 سال کی طویل انتظار کے بعد اب عوام لاہور میں زرافہ دیکھ سکیں گے۔ جنوبی افریقہ سے زرافے لاہور کے سفاری پارک میں پہنچ گئے ہیں۔

یہ بھی پڑھیں: اگر عدالتیں سمجھتی ہیں کہ بانی پی ٹی آئی کو ضمانت پر رہائی ملنی چاہیے تو اسے سپورٹ کروں گا: بلاول

زرافے کی آمد کا سبب

وزیراعلیٰ مریم نواز نے بتایا کہ لاہور چڑیا گھر میں زرافے کے نئے جوڑے کی آمد سے ویران پڑے انکلوزر کی رونق بحال ہوگئی ہے۔ 3 سال قبل نر زرافے کے مرنے کے بعد اس کی ساتھی مادہ اکیلی رہ گئی تھی۔ سفاری پارک میں کئی دہائیوں بعد پہلی مرتبہ بچوں کی زرافے دیکھنے کی خواہش اب پوری ہوگی۔ چڑیا گھروں کے ناگفتہ بہ حالات کی وجہ سے عائد جانوروں کی امپورٹ پر 2 سالہ پابندی بھی اٹھالی گئی ہے۔

پنجاب وائلڈ لائف کی صورتحال

وزیراعلیٰ مریم نواز نے مزید کہا کہ زرافوں کی آمد پنجاب وائلڈ لائف پر عالمی اعتماد کی بحالی کا مظہر ہے۔ 18 ماہ سے وائلڈ لائف کے شعبے میں عالمی معیار کے مطابق تاریخی اصلاحات اور انتظامات کئے گئے ہیں۔ اب لاہور Zoo اور سفاری پارک میں زرافے کو دیکھ کر بچوں کی خوشیاں دوبالا ہوں گی۔