خیبر پختونخوا کے 6 اضلاع میں 12 خالی بلدیاتی نشستوں پر پولنگ جاری

پشاور میں ضمنی انتخابات

پشاور (ڈیلی پاکستان آن لائن) خیبر پختونخوا کے 6 اضلاع میں 12 خالی بلدیاتی نشستوں پر ضمنی انتخابات کے لیے پولنگ جاری ہے۔

یہ بھی پڑھیں: کبھی اقرار کی صورت کبھی انکار کی صورت۔۔۔

پولنگ کا وقت

روزنامہ جنگ کے مطابق خواتین، مزدور، کسان اور نوجوانوں کی خالی نشستوں پر پولنگ شام 4 بجے تک جاری رہے گی۔

یہ بھی پڑھیں: حسن علی کی قومی ٹیم میں شاندار واپسی پر وہاب ریاض کا دلچسپ تبصرہ

ڈیرہ اسماعیل خان کی صورت حال

ڈیرہ اسماعیل خان کی 3 ولیج کونسلوں میں جنرل، یوتھ اور خواتین کی نشستوں پر ووٹ ڈالے جا رہے ہیں۔ ضلع بھر میں ووٹرز کی تعداد 25 ہزار ہے جن میں خواتین ووٹرز ساڑھے 11 ہزار ہیں۔

یہ بھی پڑھیں: تیسری عالمی جنگ ہمارے سر پر، روس خلا میں کیا کر رہا ہے؟ زندہ نوسٹرڈیمس کہلانے والے نجومی کی تہلکہ خیز پیشگوئی

دیگر اضلاع میں پولنگ

ملاکنڈ میں ولیج کونسل سخاکوٹ کی ایک جنرل نشست پر پولنگ جاری ہے۔ ایبٹ آباد، مانسہرہ اور اپر دیر میں بھی پولنگ کا سلسلہ جاری ہے۔

پولنگ سٹیشنز کی تفصیلات

الیکشن کمیشن کے مطابق مجموعی طور پر 66 پولنگ سٹیشن اور 201 پولنگ بوتھ قائم کیے گئے ہیں۔

الیکشن کمیشن کا کہنا ہے کہ 23 پولنگ سٹیشن حساس اور 5 پولنگ اسٹیشن حساس ترین قرار دیے گئے ہیں۔