خیبرپختونخوا پولیس کا پہلا سنائپر سکواڈ تیار

خیبرپختونخوا پولیس کا جدید سنائپر سکواڈ

پشاور(ڈیلی پاکستان آن لائن) خیبرپختونخوا پولیس نے بڑھتی ہوئی دہشت گردی کے پیشِ نظر پہلا سنائپر سکواڈ تیار کرلیا۔

جدید تربیت اور سازوسامان

روزنامہ جنگ کے مطابق سینٹرل پولیس آفس کے مطابق سکواڈ کو جدید تربیت، جدید ترین اسلحہ اور تھرمل امیجنگ ڈیوائسز سے لیس کیا گیا ہے۔

اہلکاروں کی تربیت

سی پی او کے مطابق ہر سکواڈ میں 10 اہلکار شامل ہوں گے جنہیں دور فاصلے پر چھپے دشمن کو نشانہ بنانے کی خصوصی تربیت دی گئی ہے۔

تعیناتی کا منصوبہ

یہ فورس ابتدائی طور پر جنوبی اضلاع، مالاکنڈ ڈویژن اور سرحدی علاقوں میں تعینات کی جائے گی تاکہ دہشت گردی کے خطرات کا مؤثر انداز میں مقابلہ کیا جاسکے۔

اہلکاروں کی مزید ضروریات

پولیس ترجمان کا کہنا ہے کہ ایلیٹ فورس کے سنائپر سکواڈ کو تین ماہ کی جدید سنائپر ٹریننگ دی گئی ہے، جبکہ موسمِ سرما میں اہلکاروں کو تھرمل امیجنگ ڈیوائسز بھی فراہم کی جائیں گی۔