دھی رانی پروگرام کا تیسرا مرحلہ، ضلع بہاولپور میں 174 مستحق جوڑوں کی اجتماعی شادیوں کی تقریب
دھی رانی پروگرام کا آغاز
بہاول پور (ڈیلی پاکستان آن لائن) وزیر اعلیٰ پنجاب مریم نواز کے "دھی رانی پروگرام" کے تحت امسال 5 ہزار سے زائد مستحق بیٹے بیٹیوں کی شادیاں کروائی جائیں گی۔
یہ بھی پڑھیں: مختلف بار ایسوسی ایشنز میں چیکس کی تقسیم ،ینگ وکلاء کا ٹریننگ پروگرام ایک ماہ تک شروع کر دیا جائے گا: صوبائی وزیر قانون
اجتماعی شادیوں کی تقریب
یہ بات صوبائی وزیر سوشل ویلفیئر اینڈ بیت المال سہیل شوکت بٹ نے بہاولپور میں منعقدہ اجتماعی شادیوں کی تقریب میں بطور مہمان خصوصی تقریب سے خطاب کرتے ہوئے کہی۔ وزیر اعلیٰ پنجاب کے اجتماعی شادیوں کے انقلابی اقدام "دھی رانی پروگرام" کے تیسرے مرحلے میں ضلع بہاولپور سے تعلق رکھنے والے 174 مستحق جوڑوں کی اجتماعی شادیوں کی تقریب انجام پائی۔
یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا؟
سلامی اور تحائف
تقریب میں وزیر اعلیٰ کی جانب سے ہر نوبیاہتا جوڑے کو 2 لاکھ روپے بطور سلامی پیش کیے گئے جبکہ اس سے قبل دلھا دلھن کا عروسی جوڑا بھی انہیں بطور تحفہ دیا گیا تھا۔ تقریب میں نوبیاہتا جوڑوں نے سلامی اور تحائف کی فراہمی پر وزیراعلیٰ پنجاب کا تہہ دل سے شکریہ ادا کیا۔
یہ بھی پڑھیں: تھرپارکر : گرمی کی شدت سے مزید 12 مور ہلاک
شرکت کرنے والے جوڑے
اجتماعی شادیوں کی تقریب میں شادی کے خوبصورت بندھن میں بندھنے والے جوڑوں میں کرسچن کمیونٹی سے تعلق رکھنے والے 6 جوڑے، ہندو کمیونٹی سے تعلق رکھنے والے 3 جوڑے اور 2 جوڑے افراد باہم معذوری بھی شامل تھے۔
یہ بھی پڑھیں: سیاسی مداخلت ہر دور میں رہی ہے، یہ اتنی بڑھ چکی ہے کہ سرکاری ملازمت میاؤں بلی ہی بن گئی ہے، ہر کوئی ڈراتا اور سنگین نتائج کی دھمکی دیتا ہے۔
شرکاء کی تفصیلات
اجتماعی شادیوں کی تقریب میں رشتہ ازدواج سے منسلک ہونے والے نوبیاہتا جوڑوں میں 39 جوڑوں کا تعلق تحصیل بہاولپور سٹی سے، 42 جوڑوں کا تعلق تحصیل بہاولپور صدر سے، 37 جوڑوں کا تعلق تحصیل یزمان سے، 39 جوڑوں کا تعلق تحصیل احمدپور شرقیہ سے، 10 جوڑوں کا تعلق تحصیل حاصل پور سے اور 7 جوڑوں کا تعلق تحصیل خیرپور ٹامیوالی سے ہے۔
یہ بھی پڑھیں: میری رائے میں پاکستان اور بھارت واقعی شدید لڑائی لڑ رہے تھے: ٹرمپ
مہمان خصوصی کی شرکت
تقریب میں رکن صوبائی اسمبلی سعدیہ بلال، ایڈیشنل سیکرٹری سوشل ویلفیئر آمنہ منیر، ڈپٹی کمشنر بہاولپور ڈاکٹر فرحان فاروق، ڈی پی او حسن اقبال، سابق پارلیمنٹیرینز افضل گل، فوزیہ ایوب قریشی نے بھی خصوصی شرکت کی۔
یہ بھی پڑھیں: پاکستان کے قونصلیٹ جنرل، دبئی نے مقبوضہ جموں و کشمیر کے مظلوم عوام کے ساتھ یکجہتی کے لئے یومِ سیاہ منایا
روایتی موسیقی اور مبارکباد
تقریب میں نوبیاہتا جوڑوں کا استقبال روایتی چولستانی لوک موسیقی سے کیا گیا۔ صوبائی وزیر سوشل ویلفیئر اینڈ بیت المال سہیل شوکت بٹ اور رکن صوبائی اسمبلی سعدیہ بلال نے نوبیاہتا جوڑوں کی نشستوں پر جا کر انہیں تحائف و سلامی کی رقوم کے اے ٹی ایم کارڈز پیش کیے اور نیک تمناؤں کا اظہار کرتے ہوئے انھیں مبارکباد دی۔
یہ بھی پڑھیں: اسلام آباد ہائیکورٹ: ماتحت عدلیہ کے 2 ججز کی خدمات پشاور ہائیکورٹ کو واپس
وزیر کی گفتگو
صوبائی وزیر نے میڈیا نمائندگان سے گفتگو کرتے ہوئے کہا کہ وزیراعلی پنجاب نے دھی رانی پروگرام لانچ کر کے والدین کیلئے ایک شفیق بیٹی اور قوم کے بیٹوں کیلئے ایک شفیق ماں بن کر دکھایا ہے۔ یہ پروگرام حقیقی معنوں میں ایک فلاحی ریاست کی بنیاد ہے۔
تقریب کا اختتام
بعد ازاں محکمہ سوشل ویلفیئر اینڈ بیت المال پنجاب کی جانب سے دولہا دلہن اور تقریب کے شرکاء کے لئے ظہرانہ دیا گیا۔ تقریب میں محکمہ سوشل ویلفیئر و بیت المال کے ڈویژنل ڈائریکٹر اشتیاق احمد اور ڈپٹی ڈائریکٹر محمد عزیر نے شرکت کی۔
