کراچی کے ہوٹلوں، فاسٹ فوڈ اور بریانی سینٹرز پر مردہ مرغیوں کے گوشت کی سپلائی کا انکشاف

کراچی میں مردہ مرغیوں کے گوشت کی سپلائی کا انکشاف

کراچی (ڈیلی پاکستان آن لائن) میں بڑے پیمانے پر مردہ مرغیوں کے گوشت کی سپلائی کا انکشاف ہوا ہے۔

یہ بھی پڑھیں: وزیراعلیٰ پنجاب کی زیر صدارت خصوصی اجلاس، ذخیرہ اندوزی کرنے والوں کے خلاف اہم فیصلہ، ہر دکان پر سرکاری نرخنامہ نمایاں آویزاں کرنے کا حکم

مردہ مرغیوں کا گوشت ہوٹلوں اور فاسٹ فوڈ سینٹرز پر

نجی ٹی وی چینل جیو نیوز کے مطابق، مردہ مرغیوں کا گوشت کراچی کے ہوٹلوں، فاسٹ فوڈ اور بریانی سینٹرز پر سپلائی کیا جاتا تھا۔

یہ بھی پڑھیں: 13 شادیاں کرنے والی فرضی دلہنوں کا گینگ بے نقاب، کتنی خواتین گرفتار ہوئیں؟ جانیے

پولیس کی کارروائی

حکام کے مطابق، گلبرگ پولیس نے موسیٰ کالونی ریلوے پھاٹک کے قریب کارروائی کرتے ہوئے 80 کلو گوشت برآمد کیا اور اس چھاپے میں 2 ملزمان کو بھی گرفتار کیا ہے، جن کے خلاف مقدمہ درج کرلیا گیا ہے۔

یہ بھی پڑھیں: نہتے شہریوں پر حملہ کرنیوالے بزدل دہشتگرد انجام کو ضرور پہنچیں گے:وزیر اعلیٰ پنجاب کی کوئٹہ ریلوے اسٹیشن بم دھماکے کی شدید مذمت

ایف آئی آر کا متن

پولیس کی جانب سے درج ایف آئی آر کے متن میں کہا گیا ہے کہ اطلاع ملی کہ ایک گودام میں مردہ مرغیوں کا گوشت موجود ہے، اور ملزمان مردار گوشت کی ترسیل کی تیاری کر رہے تھے، جس پر پولیس نے فوری طور پر سندھ فوڈ کنٹرول اتھارٹی کو اطلاع دی اور کارروائی کی۔

مزید تفتیش جاری

پولیس کا کہنا ہے کہ ملزمان مردار گوشت فاسٹ فوڈ سینٹرز، بریانی سینٹرز اور ہوٹلوں کو فراہم کرتے تھے، جبکہ ان سے مزید تفتیش تاحال جاری ہے۔