سازشوں کی فضا میں گھرے ویرات اور روہت، آسٹریلیا کے خلاف پہلے ون ڈے میں ناکام، بھارت میچ ہار گیا

آسٹریلیا کی کامیابی

پرتھ (ڈیلی پاکستان آن لائن) آسٹریلیا نے بارش سے متاثرہ پہلے ون ڈے میں بھارت کو شکست دے دی۔ پرتھ میں کھیلے گئے میچ میں آسٹریلیا نے ٹاس جیت کر بھارت کو پہلے بیٹنگ کرنے کی دعوت دی، جس کے باعث بھارتی ٹیم ابتداء سے ہی مشکلات کا شکار رہی۔

یہ بھی پڑھیں: کانگو میں کشتی میں آگ لگنے سے ہلاک افراد کی تعداد 148 ہو گئی

بھارتی بلے بازوں کی کارکردگی

بھارت کے ابتدائی تین بلے باز مجموعی طور پر صرف 18 رنز بنا سکے، جو کہ نیوزی لینڈ کے خلاف 2019 کے ورلڈکپ سیمی فائنل کے بعد کم ترین اسکور ہے۔ شبمن گل 10، روہت شرما 8، اور ویرات کوہلی بغیر کوئی رن بنائے آؤٹ ہوئے۔

یہ بھی پڑھیں: 50 فیصد بھی کرپشن ختم ہو جائے تو آئی ایم ایف کی ضرورت نہیں رہے گی: خواجہ آصف

بارش کا اثر

بھارتی اننگز کے دوران دو مرتبہ بارش کی وجہ سے میچ روکنا پڑا، جس کے بعد میچ کو 26 اوورز فی اننگز تک محدود کر دیا گیا۔ بھارت نے مقررہ 26 اوورز میں 9 وکٹوں کے نقصان پر 136 رنز بنائے۔ کے ایل راہول 38 اور اکشر پٹیل 31 رنز بناکر نمایاں رہے، جبکہ نتیش کمار ریڈی 19 رنز پر ناٹ آؤٹ رہے۔

یہ بھی پڑھیں: امریکی صدر کا دورہ پاکستان، دفتر خارجہ کا ردعمل بھی سامنے آگیا

آسٹریلیا کا ہدف

آسٹریلیا کی جانب سے جوش ہیزل ووڈ، مچل اوون، اور میتھیو کوہنمین نے 2،2 وکٹیں حاصل کیں، جبکہ مچل اسٹارک اور نیتھن ایلس نے ایک ایک وکٹ لی۔ آسٹریلیا کو ڈی ایل میتھڈ کے تحت 26 اوورز میں 131 رنز کا ہدف ملا، جسے اس نے باآسانی 3 وکٹوں کے نقصان پر 21.1 اوورز میں حاصل کر لیا۔ کپتان مچل مارش 46 اور میٹ رینشا 21 رنز بناکر ناقابل شکست رہے۔ جوش فلپ 37 جبکہ ٹریوس ہیڈ اور میتھیو شارٹ 8، 8 رنز بناکر آؤٹ ہوئے۔

یہ بھی پڑھیں: وزیراعلیٰ مریم نواز کا تجاوزات کو مستقل بنیادوں پر ختم کرنے کا حکم

بھارت کی وکٹیں

بھارت کی جانب سے ارشدیپ سنگھ، اکشر پٹیل، اور واشنگٹن سندر نے ایک ایک وکٹ حاصل کی۔

بھارتی میڈیا کی خبر

واضح رہے کہ بھارتی میڈیا کے مطابق بی سی سی آئی کی مینجمنٹ ویرات کوہلی اور روہت شرما کو ون ڈے فارمیٹ سے بھی باہر کرنے کے بارے میں سوچ رہی ہے۔