ڈونلڈ ٹرمپ کا یوکرینی صدر پر ولادیمیر پیوٹن کی شرائط ماننے پر زور

ٹرمپ کی یوکرینی صدر سے ملاقات

اسلام آباد(ڈیلی پاکستان آن لائن) امریکی صدر ڈونلڈ ٹرمپ نے وائٹ ہاؤس میں ہونے والی ملاقات میں یوکرینی صدر ولادیمیر زیلینسکی پر روسی صدر کی شرائط ماننے پر زور دیا۔ برطانوی اخبار فنانشل ٹائمز نے اپنی رپورٹ میں بتایا ہے کہ صدر ٹرمپ نے یوکرینی صدر کو صدر پیوٹن کی دھمکی سے خبردار کردیا۔

یہ بھی پڑھیں: جمعیت علمائے اسلام کے زیر اہتمام مولانا حامد الحق حقانی شہید تعزیتی ریفرنس اور یکجہتی فلسطین کانفرنس

صدر ٹرمپ کی دھمکیوں کا حوالہ

رپورٹ کے مطابق صدر ٹرمپ نے یوکرینی ہم منصب کو بتایا کہ صدر پیوٹن نے دھمکی دی ہے کہ اگر یوکرین نے روس کی شرائط نہیں مانی تو اسے تباہ کردیں گے۔ ڈونلڈ ٹرمپ نے صدر زیلینسکی پر زور دیا کہ وہ مشرقی ڈونباس کا علاقہ روس کے حوالے کر دیں۔ فنانشل ٹائمز کا کہنا تھا کہ یوکرین صدر ٹرمپ کو یوکرین میں موجودہ جنگی پوزیشن پر جنگ بندی کےلیے راضی کرنے میں کامیاب رہے۔

یہ بھی پڑھیں: کاروبار فنانس کیلئے 80ہزار قرض کی درخواستیں منظور

جنگ بندی کا مطالبہ

فنانشل ٹائمز نے لکھا کہ صدر ٹرمپ نے ملاقات کے بعد کہا کہ دونوں فریق موجودہ جنگی پوزیشن پر جنگ بند کردیں جس کے بعد یوکرینی صدر نے اسے اہم نکتہ قرار دیا۔

ملاقات کی اہمیت

یاد رہے کہ امریکی صدر کی یوکرینی ہم منصب سے 2 روز قبل وائٹ ہاؤس میں ملاقات ہوئی تھی۔ امریکی صدر نے ملاقات کے دوران کہا تھا کہ اب خون خرابہ ختم کرنے کا وقت آگیا ہے، دونوں فریق خود کو فاتح قرار دیں اور فیصلہ تاریخ پر چھوڑ دیں۔