این سی سی آئی اے افسر اغوا کیس؛ عدالت کی بازیابی کیلئے پولیس کو 3روزکی مہلت،مغوی کی پٹیشنر اہلیہ کے بھی لاپتہ ہونے کا انکشاف

اسلام آباد ہائیکورٹ کی مداخلت

اسلام آباد(ڈیلی پاکستان آن لائن) اسلام آباد ہائیکورٹ نے این سی سی آئی اے افسر اغوا کیس میں بازیابی کیلئے پولیس کو 3 روز کی مہلت دیدی۔ مغوی کی پٹیشنر اہلیہ کے بھی لاپتہ ہونے پر جسٹس اعظم خان نے سوال اٹھایا کہ "گاڑی مشکوک ہے تو اسلام آباد میں کیسے چل رہی تھی؟" یہ ایک بہت سنجیدہ معاملہ ہے، شہر میں ناکے لگے ہیں اور کیمرے بھی موجود ہیں، بازیابی یقینی بنائیں ورنہ وہی کرنا پڑے گا جو دیگر بنچ کر رہے تھے۔

یہ بھی پڑھیں: دو محاذوں پر جنگ میں پھنسے نتن یاہو کا عسکری تجربے والے وزیر دفاع کو برطرف کرنا کیا معنی رکھتا ہے؟

کیس کی سماعت

نجی ٹی وی چینل دنیا نیوز کے مطابق اسلام آباد ہائیکورٹ میں این سی سی آئی اے افسر کے اغوا کیس کی سماعت ہوئی، جس میں عدالت نے مغوی ڈپٹی ڈائریکٹر کی بازیابی کیلئے پولیس کو 3 روز کی مہلت دے دی۔

یہ بھی پڑھیں: ہرنائی میں جھڑپ، 3 دہشتگرد ہلاک، میجرسمیت 2 جوان شہید

اہلیہ کا لاپتہ ہونا

وکیل نے دوران سماعت مغوی کی پٹیشنر اہلیہ کے بھی لاپتہ ہونے کا انکشاف کیا۔ وکیل نے کہا کہ "مجھے نہیں معلوم پٹیشنر کہاں ہیں، خدشہ ہے انہیں بھی اٹھا لیا گیا۔" پٹیشنر نے ٹیلی فون پر بتایا تھا کہ "پٹیشن واپسی کیلئے دباؤ ڈالا جا رہا ہے۔" پٹیشنر کا ٹیلی فون بھی بند ہے اور ان سے رابطہ نہیں ہو رہا، مغوی کو جعلی نمبر پلیٹ والی مشکوک گاڑی میں اغوا کیا گیا۔

یہ بھی پڑھیں: سندھ میں سرکاری ہسپتالوں کی جانب سے کم معیاد ادویات کی خریداری جاری

عدالتی احکامات

عدالت نے کہا کہ عدم بازیابی پر سنٹرل ڈائریکٹر این سی سی آئی اے اور آئی جی خود پیش ہوں۔ جسٹس اعظم خان نے مزید کہا کہ "گاڑی مشکوک ہے تو اسلام آباد میں کیسے چل رہی تھی؟ یہ بہت سنجیدہ معاملہ ہے۔"