جب آپ اپنی مرضی کے احساسات کا انتخاب کر سکتے ہیں، تب آپ ذہانت کی طرف بڑھنے لگتے ہیں

مصنف اور ترجمہ

مصنف: ڈاکٹر وائن ڈبلیو ڈائر
ترجمہ: ریاض محمود انجم

یہ بھی پڑھیں: اگلے چند گھنٹوں میں کارکنوں کے ساتھ عمران خان کے اشارے پر جو کچھ ہونے والا ہے وہ سیاسی تاریخ کا غلیظ ترین عمل ہو گا: سینئر صحافی حماد حسن

قسط: 9

یہ بھی پڑھیں: نوشکی: پنجاب سے تعلق رکھنے والے 4 افراد کی لاشیں برآمد

اپنے احساس و ادراک کا انتخاب

آپ کے احساسات اور محسوسات محض جذبات نہیں ہیں بلکہ یہ وہ ردعمل ہیں جن کا آپ کو انتخاب کرنا ہوتا ہے۔ اگر آپ کے جذبات آپ کے ذہن کے تابع ہیں تو پھر آپ نقصان دہ اور ضررساں رویوں اور طرزہائے عمل کا انتخاب نہیں کرتے۔ جب آپ کو یہ معلوم ہو جاتا ہے کہ آپ اپنی مرضی کے مطابق اپنے احساسات و محسوسات کا انتخاب کر سکتے ہیں تو پھر آپ "ذہانت" کی منزل کی طرف گامزن ہو جائیں گے جہاں ذیلی راستے نہیں ہیں اور نہ ہی آپ کو ذہنی و اعصابی پریشانی و بے چینی کا سامنا کرنا پڑتا ہے۔ یہ راستہ آپ کے لیے قطعی نیا اور نامانوس ہوگا کیونکہ آپ اپنے احساسات و محسوسات کو اپنی زندگی کے لیے ناگزیر حیثیت کے بجائے اپنی پسند و ناپسند کی حیثیت سے دیکھیں گے۔ شخصی آزادی کا یہی راز اور کلید ہے۔

یہ بھی پڑھیں: گاڑی میں کتابیں پڑھنے کا اپنا ہی لطف ہے، خاص طور پر بالآئی نشست یعنی برتھ مل جائے تو انسان دنیا و مافیہا سے بے نیاز ہو کر کتب بینی میں گم ہو جاتا ہے۔

استدلال اور منطق

آپ استدلال اور منطق کے ذریعے اس واہمے کو غلط ثابت کر سکتے ہیں کہ آپ کے جذبات آپ کے بس میں نہیں ہیں۔ محض استدلال اور منطقی رویے اور طرزعمل کے ذریعے آپ اپنے اندازفکر اور جذبات کے لحاظ سے اپنے وجود اور ذات کی ذمہ داری اپنے ہاتھ میں لینے کے مرحلے کا آغاز کر سکتے ہیں۔

یہ بھی پڑھیں: لاکھوں روپے ریویو فیس ادا نہ کرنے پر کراچی کے صارف کی درخواست مسترد، نیپرا ممبر کا فیصلے کیخلاف اختلافی نوٹ

استدلالی اور منطقی مفروضہ

تمہید عمومی: ارسطو ایک مرد ہے۔
تمہید خصوصی: تمام مردوں کے چہروں پر بال ہوتے ہیں۔
نتیجہ: ارسطو کے چہرے پر بھی بال ہیں۔

یہ بھی پڑھیں: پی ایس ایل 10: ملتان سلطانز ٹرافی کی ریس سے باہر، پوائنٹس ٹیبل پر کونسی ٹیم ٹاپ پر ہے؟

غیراستدلالی اور غیرمنطقی مفروضہ

تمہید عمومی: ارسطو کے چہرے پر بال ہیں۔
تمہید خصوصی: تمام مردوں کے چہروں پر بال ہوتے ہیں۔
نتیجہ: ارسطو ایک مرد ہے۔

اس ضمن میں یہ امر نہایت واضح ہے کہ آپ اس استدلال کا نفاذ کرتے ہوئے احتیاط سے کام لیں کہ آپ کی تمہید عمومی اور تمہید خصوصی کے درمیان یکسانیت پائی جاتی ہے۔ دوسری مثال میں ارسطو ایک چیمینزی یا چھچھوندر ہو سکتا ہے۔ ذیل میں ایک ایسی مشق یا مثال درج ہے جو اس نظریے کو ہمیشہ کے لیے کوڑے دان میں پھینک سکتی ہے کہ آپ اپنے جذباتی عالم کے خود کبھی مالک نہیں ہو سکتے:

یہ بھی پڑھیں: 1 مئی جلاؤ گھیراؤ مقدمات؛ شاہ محمود قریشی ذاتی حیثیت میں طلب

مشق یا مثال

تمہید خصوصی: مجھے اپنے خیالات پر قابو نہیں ہے۔
تمہید عمومی: میرے احساسات کا ماخذ میرے خیالات ہیں۔
نتیجہ: میں اپنے احساسات و محسوسات کو اپنے قابو میں کر سکتا ہوں۔

(جاری ہے)

نوٹ

یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔