اٹلی؛ تارکین وطن کی دو کشتیوں سمندر میں ڈوب گئیں، پاکستانیوں سمیت 100 سے زائد افراد سوار تھے

تارکین وطن کی کشتیوں کا حادثہ

روم (ڈیلی پاکستان آن لائن) اٹلی کے قریب تارکین وطن کی دو کشتیاں ڈوب گئیں۔ پاکستانیوں سمیت 100 سے زائد افراد سوار تھے۔

یہ بھی پڑھیں: لاہور ہائی کورٹ کی سڑکوں پر دھواں چھوڑتی گاڑیوں کے خلاف کارروائیاں تیز کرنے کی ہدایت

حادثے کی تفصیلات

خبرایجنسی کے مطابق ایک کشتی میں پاکستانی، اریٹیریا اور سومالیہ کے 85 باشندے سوار تھے۔ حادثے میں دو افراد ہلاک جبکہ 11 کو ریسکیو کیا گیا، باقیوں کی تلاش جاری ہے۔

یہ بھی پڑھیں: پی آئی اے کی ماضی میں 10 ارب کی بولی سے آج 135 ارب کی قیمت، سول ایوی ایشن ریگولیٹر پہ اعتماد کا ثبوت ہے، خواجہ محمد آصف

دوسری کشتی کی صورتحال

دوسری کشتی میں 35 افراد سوار تھے۔ حکام نے ایک شخص کی ہلاکت کی تصدیق کی ہے جبکہ 24 افراد تاحال لاپتہ ہیں۔

بحیرہ روم میں تارکین وطن کی حفاظت

اقوام متحدہ کے اعداد و شمار کے مطابق 2014 سے اب تک 32 ہزار سے زائد تارکین وطن بحیرہ روم عبور کرنے کی کوشش کے دوران اپنی جانیں گنوا چکے ہیں۔ صرف 2025 کے دوران ہی مرکزی بحیرہ روم کے راستے میں 900 سے زیادہ افراد ہلاک ہو چکے ہیں۔