پی ٹی آئی رہنما اعجاز چودھری کی 10 سال سزا کے خلاف اپیل، عدالت اسپیشل پراسیکیوٹر کو تیاری کے لئے مہلت دے دی
لاہور میں ہائیکورٹ کا فیصلہ
لاہور (ڈیلی پاکستان آن لائن) ہائیکورٹ نے پی ٹی آئی رہنما اعجاز چودھری کی 10 سال کی سزا کے خلاف اپیل پر اسپیشل پراسیکیوٹر کو تیاری کے لیے مہلت دے دی۔
سماعت کا آغاز
جسٹس سید شہباز علی رضوی اور جسٹس طارق محمود باجوہ نے اپیل پر سماعت کی۔ اسپیشل پراسیکیوٹر اکرم بھٹی عدالت میں پیش ہوئے۔ ایڈووکیٹ اکرم بھٹی نے کہا کہ کیس کی فائل کل موصول ہوئی ہے، عدالت تیاری کے لیے کچھ وقت دے، جس پر عدالت نے استدعا منظور کرتے ہوئے سماعت ملتوی کر دی۔
مقدمات کی تفصیل
عدالت نے پراسکیوشن سے مقدمات کا ریکارڈ اور وکلاء کو دلائل کے لیے طلب کر رکھا تھا۔ تھانہ شادمان کے جلاؤ گھیراؤ سمیت دیگر مقدمات میں ٹرائل کورٹ نے مجرم کو 10 سال قید کی سزا سنائی تھی۔
