قومی ٹی20 سکوڈ کی تشکیل آخری مرحلے میں داخل، متعدد تبدیلیوں کا امکان

پاکستان اور جنوبی افریقہ کے درمیان ٹی ٹوئنٹی سیریز

لاہور(ڈیلی پاکستان آن لائن)پاکستان اور جنوبی افریقہ کے درمیان ٹی ٹوئنٹی سیریز کےلیے قومی ٹی20سکواڈ کی تشکیل آخری مرحلے میں داخل ہوگئی، متعدد تبدیلیوں کا امکان ہے۔

یہ بھی پڑھیں: وزیراعلیٰ پنجاب کی سپریم کورٹ بار کے نو منتخب صدر اور عہدیداروں کو مبارکباد

قومی سکواڈ میں ممکنہ تبدیلیاں

نجی ٹی وی سما نیوز کے مطابق قومی سکواڈ میں دو سے تین تبدیلیاں متوقع ہے، حسین طلعت اور خوشدل شاہ کا جگہ بچانا مشکل ہے، عرفان نیازی اور نسیم شاہ کو سکواڈ میں شامل کیے جانے کا امکان ہے۔

یہ بھی پڑھیں: ٹرمپ کو سمجھ آ گئی اب وہ شفاف طریقے سے الیکشن نہیں جیتیں گے؛رکن کانگریس الہان عمر

اہم کھلاڑیوں کی شمولیت

ٹی ٹوئنٹی سیریز میں بابر اعظم اور محمد رضوان کے سکواڈ میں شامل ہونے کا امکان نہیں جبکہ شاہین آفریدی کو آرام دینے کی تجویز ہے۔

یہ بھی پڑھیں: بھارت سے جب مذاکرات ہوں گے تو کشمیر، پانی، تجارت اور دہشتگردی پر بات ہوگی: وزیراعظم

کھیلاڑیوں کی رپورٹنگ اور ٹریننگ سیشن

ذرائع کے مطابق پاکستان ٹی 20 کھلاڑی 25اکتوبر کو اسلام آباد میں رپورٹ کریں گے، ٹریننگ سیشن 26 اکتوبر کو شیڈول ہے۔

یہ بھی پڑھیں: ترکی بھی پاکستان اور سعودی عرب کے دفاعی اتحاد میں شمولیت کا خواہش مند ہے، بلومبرگ کا دعویٰ

سیریز کا شیڈول

تین ٹی ٹونٹی میچز کی سیریز کا پہلا میچ 28 اکتوبر کو پنڈی سٹیڈیم میں کھیلا جائے گا جبکہ دوسرا اور تیسرا ٹی ٹونٹی میچ 31 اکتوبر اور یکم نومبر کو لاہور میں شیڈول ہے۔

یہ بھی پڑھیں: حکومت سندھ نے شادی ہالز میں مہمانوں کو 200 تک محدود کر کے شہریوں کو پریشانی میں مبتلا کر دیا

ٹکٹوں کی فروخت کا آغاز

پاکستان اور جنوبی افریقہ کے درمیان ٹی ٹوئنٹی اور ون ڈے سیریز کے لئے پاکستان بھر سے ٹکٹوں کی فروخت کا عمل شروع ہوگیا۔

یہ بھی پڑھیں: سردی کے باعث درجنوں بچے نمونیہ کا شکار، ملتان میں 24 گھنٹوں کے دوران 48 بچوں میں نمونیہ کی تصدیق

راولپنڈی میچ کے ٹکٹ قیمتیں

راولپنڈی ٹی ٹوئنٹی میچ کی کم سے کم ٹکٹ 400 روپے، زیادہ سے زیادہ 15 ہزار روپے مقرر کی گئی ہے۔ جنرل 400 روپے، فرسٹ کلاس 600 روپے، پریمیئم 700 روپے مقرر، وی آئی پی 800 روپے، پی سی بی گیلری 1500 روپے، پلیٹینم باکس 15000 روپے فی سیٹ ہوگی۔

یہ بھی پڑھیں: سابق چیف جسٹس قاضی فائز عیسیٰ کی مڈل ٹیمپل میں شمولیت پر پی ٹی آئی لندن میں احتجاج کی وجوہات کیا ہیں؟

لاہور میچ کے ٹکٹ قیمتیں

قذافی سٹیڈیم لاہور کیلئے کم سے کم ٹکٹ 400 روپے، زیادہ سے زیادہ 2500 روپے مقرر کی گئی ہے، جنرل 400 روپے، فرسٹ کلاس 600 روپے، پریمیئم 700 روپے، وی آئی پی 800 روپے رکھی گئی ہے۔ وی آئی پی فار اینڈ 1500 روپے، وی آئی پی نیو پیویلیئن 2000 روپے، وی آئی پی گیلری 2500 روپے مقرر کی گئی ہے۔

فیصل آباد میچ کے ٹکٹ قیمتیں

فیصل آباد اقبال سٹیڈیم کیلئے کم سے کم ٹکٹ 400 روپے، زیادہ سے زیادہ 3000 روپے مقرر رکھی گئی ہے، جنرل 400 روپے، فرسٹ کلاس 600 روپے، وی آئی پی 800 روپے اور وی آئی پی گراؤنڈ فلور 3000 روپے رکھی گئی ہے.