اسلام آباد ہائی کورٹ میں درخواست دائر کرنے والے کو جیل میں عمران خان کی طرح سہولیات فراہم کی جائیں، علیمہ خان

علیمہ خان کا عمران خان کی سہولیات کے حوالے سے بیان

راولپنڈی (ڈیلی پاکستان آن لائن) پاکستان تحریک انصاف (پی ٹی آئی) کے بانی چیئرمین عمران خان کی بہن علیمہ خان نے کہا ہے کہ اسلام آباد ہائی کورٹ میں درخواست دائر کرنے والے کو جیل میں عمران خان کی مانند سہولیات فراہم کی جائیں۔

یہ بھی پڑھیں: زارا نور کی خواتین کو خوبصورت نظر آنے کے لیے ادویات کا استعمال نہ کرنے کی اپیل

علیمہ خان کی میڈیا سے گفتگو

بانی پی ٹی آئی عمران خان سے ملاقات کے بعد وکیل فیصل ملک کے ساتھ میڈیا سے گفتگو کرتے ہوئے، علیمہ خان نے کہا کہ آپ سب سوال پوچھ رہے ہیں کہ پشاور میں کابینہ نہیں بنے گی، کیا وفاقی حکومت کو فکر نہیں کہ آپ ایک وزیراعلیٰ کو بانی پی ٹی آئی سے ملنے نہیں دے رہے ہیں؟

یہ بھی پڑھیں: عسکری طاقت کے حوالے سے اندازے بدل گئے، کئی سال سے بھارت امریکی ترجیحات میں شامل تھا مگر اب ۔۔۔؟ ’’دی ڈپلومیٹ‘‘ کی رپورٹ منظر عام پر آ گئی

سہولیات کا موازنہ

انہوں نے کہا کہ آپ وزیراعظم سے کیوں سوال نہیں کرتے کہ اگر ان کو اپنے ملک کی فکر ہے؟ بانی ایک پارٹی کے سربراہ ہیں، اس کا کام بنتا ہے کہ وہ اپنے وزیرا علیٰ سے مشاورت کرسکیں۔

علیمہ خان نے مزید کہا کہ آصف زرداری صاحب جب کراچی جیل میں تھے تو ان کا بہت زبردست صحن تھا جہاں وہ شام کو بیٹھ کر چائے پیتے تھے، نواز شریف کو ساری سہولیات تھیں، آپ یہ سمجھیں کہ ان کے کمرے میں اے سی لگا ہوا تھا، لیکن بانی پی ٹی آئی کا چکی کا سیل ہے جہاں اے سی نہیں لگتا۔

یہ بھی پڑھیں: پاکستان نے چیمپئنز ٹرافی کے لیے ہائبرڈ قبول کر لیا، بھارتی میڈیا کا بڑا دعویٰ

قید تنہائی کی صورتحال

ان کا کہنا تھا کہ بانی دو سال سے ڈیتھ سیل میں ہیں، پولیس والے کہتے ہیں کہ آج تک قید تنہائی میں بانی کی طرح کسی کو نہیں دیکھا، چکی کے کمرے کا سائز 8 بائی 10 ہے، بانی کو کسی سے ملاقات کی اجازت نہیں ہے، تو اس کا مطلب وہ قید تنہائی میں ہیں۔

یہ بھی پڑھیں: عدنان صدیقی کو سالگرہ کی مبارک باد دینے کے بدلے میں اُن سے کتنی رقم بٹوری؟ چاہت فتح علی خان کا ایسا انکشاف کہ سوشل میڈیا صارفین ٹوٹ پڑے۔

ہائی کورٹ کی درخواست پر ردعمل

انہوں نے کہا کہ جس نے ہائی کورٹ میں پٹیشن کی ہے کہ اسے عمران خان کی طرح سہولیات دی جائیں، اسے سہولیات دے دیں تو وہ روئے گا۔ علیمہ خان نے مزید کہا کہ بانی کا پیغام اڈیالہ سے باہر دینے پر میرے خلاف تھانہ صادق آباد میں مقدمہ درج ہوا ہے، میں نے وہ پیغام 22 نومبر کو آپ کو دیا تھا، میں پھر سے کہتی ہوں میں اکیلے نہیں جاؤں گی۔

میڈیا کا کردار

میڈیا کو مخاطب کرتے ہوئے انہوں نے کہا کہ میں نے پیغام آپ کو دیا تھا، جرم آپ نے کیا ہے کیونکہ آپ نے اسے عوام تک پہنچایا ہے، ہم فیصلہ کر رہے ہیں کہ کس کو کیا کرنا ہے، اگر میں جیل چلی جاؤں تو ہمیں اور ٹیم تیار چاہیے۔ علیمہ خان نے کہا کہ فیصل ملک جو پیغام دے رہے ہیں، ہم اس کی تصدیق کرکے پہنچا رہے ہیں۔