امریکی سینٹرل کمانڈ کی جانب سے پاک بحریہ کو بحیرۂ عرب میں منشیات کی بڑی کارروائی پر مبارکباد

نیو یارک (ڈیلی پاکستان آن لائن) امریکی سینٹرل کمانڈ (سینٹ کام) نے سعودی قیادت میں قائم کمبائنڈ ٹاسک فورس 150 اور پاک بحریہ کو بحیرۂ عرب میں منشیات کے خلاف ایک بڑی کارروائی پر مبارکباد دی ہے۔

’’جنگ‘‘ کے مطابق پاک بحریہ کے جہاز پی این ایس یرموک نے 48 گھنٹوں کے اندر بڑی کارروائی کرتے ہوئے 972 ملین ڈالرز سے زائد مالیت کی منشیات ضبط کی ہیں۔ پی این ایس یرموک نے سعودی قیادت میں کمبائنڈ ٹاسک فورس 150 کی معاونت سے بحیرۂ عرب میں 2 کشتیوں پر کارروائی کی، جس کے نتیجے میں یہ بڑی مقدار میں منشیات برآمد ہوئی۔

دوسری جانب سعودی رائل نیوی کے کمانڈر فہد الجوید نے اس کامیاب کارروائی کو عالمی تعاون کی بہترین مثال قرار دیا ہے۔ کمبائنڈ ٹاسک فورس (CTF50) کا مقصد ہتھیاروں، منشیات اور غیر قانونی سامان کی سمندری سمگلنگ کو روکنا ہے۔