پنجاب حکومت کا لاؤڈ سپیکر ایکٹ مزید سخت کرنے کا فیصلہ

پنجاب حکومت کے فیصلے

لاہور(ڈیلی پاکستان آن لائن) پنجاب حکومت نے لاؤڈ سپیکر ایکٹ کا نفاذ لازمی اور مزید سخت کرنے کا فیصلہ کر لیاہے۔ ہر ضلع میں وسل بلور سیل قائم کیئے جائیں گے۔ وزیراعلیٰ مریم نواز کی زیرصدارت امن و امان کی صورتحال پر تیسرا اجلاس ہوا جس دوران انتہا پسند جماعت اور غیرقانونی طور پر مقیم غیر ملکی شہریوں کے خلاف 15 میں خصوصی سیل قائم کرنے، پنجاب کو اسلحے سے پاک کرنے کے لئے سخت اقدامات کرنے کا فیصلہ کر لیا گیاہے۔

یہ بھی پڑھیں: چین میں یوم فتح کی تقریبات شاندار فوجی پریڈ کے ساتھ اختتام پذیر

امن کمیٹیوں کی تشکیل

ڈالاکلچر، بدماشی اور مافیا کلچر ناقابل برداشت قرار دیا گیا۔ پنجاب حکومت نے امن کمیٹیوں کو فوری طور پر مؤثر اور فعال بنانے کا فیصلہ کیا ہے۔ امن کمیٹیوں کو تمام آپریشنز کے لئے آن بورڈ رکھا جائے گا، اور ہر شہری تک موبائل پولیس اسٹیشن کی خدمات پہنچائی جائیں گی۔

یہ بھی پڑھیں: اسرائیل، غزہ میں اپنی جارحیت فوری طور پر روکے، سپین سمیت یورپی ممالک کا مطالبہ

کارروائیاں اور قانونی اقدامات

اعلامیہ کے مطابق، کارروائیاں صرف مخصوص انتہا پسند ذہنیت کے خلاف ہیں، کسی فرقے یا عقیدے کیخلاف نہیں ہیں۔ ضلعی انتظامیہ سے روزانہ کی بنیاد پر غیرملکیوں کے انخلا سے متعلق رپورٹ طلب کر لی گئی ہے، اور انتظامیہ روزانہ بتائے گی کتنے غیر ملکی باشندے ٹیکس نیٹ میں لائے گئے۔

سماجی ضوابط

عوام سے درخواست کی گئی ہے کہ وہ غیر قانونی رہائشیوں کو دکان یا مکان کرائے پر نہ دیں۔ سوشل میڈیا پر نفرت انگیز مواد پھیلانے والوں کے خلاف پیکا ایکٹ کے تحت مقدمات درج ہوں گے۔