آڈیٹر جنرل آف پاکستان کا اکاؤنٹینٹ جنرل پنجاب آفس کا دورہ

آڈیٹر جنرل کا دورہ

لاہور (ڈیلی پاکستان آن لائن) آڈیٹر جنرل آف پاکستان مقبول احمد گوندل نے اکاؤنٹینٹ جنرل پنجاب کے دفتر کا دورہ کیا۔ اکاؤنٹینٹ جنرل پنجاب نعمانہ گل رُخ فرید، ایڈیشنل اے جی (ایڈمن) میاں شاہد محمود، ایڈیشنل اے جی (پے رولز) فائقہ خورشید اور دیگر سینئر افسران نے ان کا پرتپاک استقبال کیا۔

یہ بھی پڑھیں: ایشیا کپ میں پاکستان اور متحدہ عرب امارات کے درمیان ہونے والا میچ ایک گھنٹہ تاخیر کا شکار ہو گیا ، عامر میر

گلدستہ پیش کرنا

ڈپٹی اکاؤنٹینٹ جنرل عکسیٰ لودھی نے آڈیٹر جنرل آف پاکستان کو ان کی آمد پر گلدستہ پیش کیا۔ مقبول احمد گوندل نے افسران سے ملاقات کی اور ان کی محنت اور لگن کو سراہا۔ انہوں نے دفتر اکاؤنٹینٹ جنرل پنجاب کی مجموعی کارکردگی اور نمایاں اقدامات (OLBS، MPG، جی پی فنڈ اپ ڈیشن) کی تعریف کی۔

یہ بھی پڑھیں: اسلام آباد ہائیکورٹ کا ذوالفقار بھٹو میڈیکل یونیورسٹی کو 2ہفتوں میں ایم ڈی کیٹ امتحان لینے کا حکم

جدید اقدامات کی اہمیت

آڈیٹر جنرل نے اس بات پر زور دیا کہ ایسے جدید اقدامات اپنانے سے محکمے کی کارکردگی میں نمایاں اضافہ ہوگا اور اسے جدید خطوط پر استوار کیا جا سکے گا۔

پودا لگانے کی علامت

آڈیٹر جنرل نے اے جی پنجاب آفس کے لان میں پودا بھی لگایا جو ترقی و نمو کی علامت ہے۔