جڑواں شہروں میں ڈینگی کے مریضوں کی تعداد میں مزید اضافہ

ڈینگی مریضوں کی تعداد میں اضافہ

راولپنڈی (ڈیلی پاکستان آن لائن) راولپنڈی اسلام آباد میں ڈینگی مریضوں کی تعداد میں مسلسل اضافہ ہو رہا ہے۔

یہ بھی پڑھیں: حزب اللہ نے لبنان سے ایرانی سفیر کی بے دخلی کو ’’گناہ‘‘ قرار دے دیا

نئے مریضوں کی تعداد

نجی ٹی وی چینل ہم نیوز کے مطابق راولپنڈی میں گزشتہ چوبیس گھنٹوں میں 14 نئے ڈینگی مریض سامنے آ گئے ہیں، رواں سیزن میں ڈینگی مریضوں کی مجموعی تعداد 1177 ہوگئی ہے۔

یہ بھی پڑھیں: لاہور میں نان اور خمیری روٹی کی قیمت میں 5 روپے اضافہ

علاج اور انسداد مہم

مختلف ہسپتالوں میں ڈینگی کے 50 سے زائد مریض زیر علاج ہیں۔ صوبائی محکمہ صحت کا کہنا ہے کہ ڈینگی سے متاثرہ علاقوں میں انسداد ڈینگی مہم جاری ہے۔ محکمہ صحت کے مطابق رواں سیزن میں 18 ہزار سے زائد افراد کی سکریننگ کی گئی، راولپنڈی میں تاحال ڈینگی سے کوئی ہلاکت رپورٹ نہیں ہوئی۔

یہ بھی پڑھیں: اسرائیل کا ایران پر حملہ، روس نے رد عمل جاری کر دیا

معائنہ اور لاروا کی نشاندہی

رواں سال 59 لاکھ 39 ہزار 433 عمارتوں کا معائنہ کیا گیا، ایک لاکھ 89 ہزار 176 گھروں سے ڈینگی لاروا برآمد ہوا جبکہ 26 ہزار کے قریب مقامات کو ہاٹ سپاٹ قرار دیا گیا۔

یہ بھی پڑھیں: باجوڑ دھماکے کی ایف آئی آر درج، 7 دہشت گردوں کی نشاندہی ہو گئی

ایس او پیز کی خلاف ورزیاں

ڈینگی ایس او پیز کی خلاف ورزی پر 4 ہزار 630 مقدمات کا اندراج کیا گیا، ڈینگی ایس او پیز کی خلاف ورزی پر 1882 مقامات سیل کیے گئے، محکمہ صحت کے مطابق خلاف ورزیوں پر 1 کروڑ 11 لاکھ سے زائد جرمانے عائد کیے گئے۔

یہ بھی پڑھیں: پاک بحریہ کے جہاز پی این ایس معاون کا کینیا کا خیر سگالی دورہ، کمانڈنگ آفیسر کی کینیا کے اعلیٰ سول و عسکری حکام سے اہم ملاقاتیں

اسلام آباد میں انسدادِ ڈینگی اقدامات

دوسری جانب اسلام آباد میں انسدادِ ڈینگی اقدامات کو مزید مؤثر بنانے کے لیے فیلڈ سرگرمیاں تیز کر دی گئی ہیں، ڈینگی کے پھیلاؤ کی روک تھام کے لیے 2,006 مقامات پر فوگنگ کارروائیاں کی گئیں۔

یہ بھی پڑھیں: پنجاب پولیس کے سب انسپکٹرز کے لیے خوشخبری، پروموشن بورڈ کا اجلاس 10 نومبر کو طلب

نئے مریضوں کی رپورٹ

فیلڈ ٹیموں کی جانب سے مجموعی طور پر 41,709 مقامات پر انسپکشن مکمل کر لیا گیا ہے، پچھلے 24 گھنٹوں کے دوران 31 نئے مریض رپورٹ ہوئے، دیہی علاقوں سے 16 اور شہری علاقوں سے 15 مریضوں کی تصدیق ہوئی ہے۔

یہ بھی پڑھیں: شامی باغیوں کی دمشق کی طرف پیش قدمی: بشار الاسد کی قسمت غیر ملکی اتحادیوں کے ہاتھ میں

بہتری کے اقدامات

شہر بھر کے مختلف ہسپتالوں میں 61 مریض زیرِ علاج ہیں، لاروا کی نشاندہی کے دوران 402 مقامات پر پازیٹو جبکہ 3 پر نیگیٹو لاروا پایا گیا، انسدادِ ڈینگی سرگرمیوں کے دوران 1,009 گھروں میں سپرے کیا گیا۔

یہ بھی پڑھیں: گلگت حادثے میں جاں بحق ہونے والے 4 دوستوں کی لاشیں گجرات پہنچا دی گئیں

ضلعی انتظامیہ کی کوششیں

اسلام آباد کی ضلعی انتظامیہ کا کہنا ہے کہ انسدادِ ڈینگی ایس او پیز کی خلاف ورزی پر مختلف مقامات سیل اور متعدد افراد کو گرفتار کر لیا گیا ہے، اسلام آباد کو ڈینگی فری بنانے کے لیے ہر ممکن اقدامات کیے جا رہے ہیں۔

ہائی رسک ایریاز میں کارروائیاں

ضلعی انتظامیہ کے مطابق ہائی رسک ایریاز میں فوگنگ اور مانیٹرنگ کا عمل تیز کر دیا گیا ہے، ڈینگی کے خلاف مہم میں غفلت یا لاپرواہی کسی صورت برداشت نہیں کی جائے گی۔