عظمیٰ بخاری کی زیر صدارت اجلاس، جرنلسٹ ہاؤسنگ سوسائٹی لاہور اور صحافیوں کے مسائل سے متعلق اہم فیصلے

اجلاس کی تفصیلات

لاہور (ڈیلی پاکستان آن لائن) وزیر اطلاعات و ثقافت پنجاب عظمیٰ بخاری کی زیر صدارت ایک اہم اجلاس ہوا جس میں جرنلسٹ ہاؤسنگ سوسائٹی لاہور اور صحافیوں کے مسائل سے متعلق اہم فیصلے کیے گئے۔

یہ بھی پڑھیں: سوات اور گردونواح میں زلزلے کے جھٹکے

جرنلسٹ ہاؤسنگ سوسائٹی کے فیصلے

اجلاس میں فیصلہ کیا گیا کہ جرنلسٹ ہاؤسنگ سوسائٹی لاہور کے کمرشل ایریا کی نیلامی ایل ڈی اے کے ذریعے پی جے ایچ ایف کی نگرانی میں شفاف انداز میں مکمل کی جائے گی۔ ایل ڈی اے کی آرکیٹیکچرل ٹیم سائٹ کا دورہ کر کے ترقیاتی تجاویز تیار کرے گی تاکہ ترقیاتی منصوبوں کو معیار اور شفافیت کے ساتھ مکمل کیا جا سکے۔

یہ بھی پڑھیں: شاہ محمود کا جیل سے خط، ملک میں سیاسی جنگ بند کرنے کی اپیل

لاہور پریس کلب ہاؤسنگ اسکیم کی بریفنگ

اجلاس میں لاہور پریس کلب ہاؤسنگ اسکیم کے ترقیاتی امور پر ایل ڈی اے، واسا اور پی ایچ اے کی جانب سے تفصیلی بریفنگ دی گئی۔ وزیر اطلاعات و ثقافت پنجاب عظمیٰ بخاری نے ہدایت کی کہ تمام ترقیاتی کاموں کی تکمیل مقررہ مدت میں، معیار اور شفافیت کو مدنظر رکھتے ہوئے یقینی بنائی جائے۔ پنجاب حکومت صحافی برادری کو باعزت، محفوظ اور جدید رہائشی سہولیات فراہم کرنے کے لیے پرعزم ہے۔ ایل ڈی اے شفاف پالیسی تیار کرے تاکہ وسائل کا بہتر اور منصفانہ استعمال ممکن بنایا جا سکے۔

یہ بھی پڑھیں: شمالی علاقہ جات جانے والے گجرات کے 4 لاپتہ دوستوں کی گاڑی گلگت سے مل گئی لیکن گاڑی کے مسافروں کا کیا بنا؟ تفصیلات منظرعام پر

مزید ترقیاتی منصوبے

عظمیٰ بخاری نے مزید کہا کہ کینال پر نئے برج کی تعمیر کا عمل بھی جلد شروع کیا جائے گا جبکہ واسا نامکمل پانی کے لنک سسٹم کو فعال بنانے کے لیے اقدامات کرے گا۔

شرکاء کی فہرست

اجلاس میں سیکرٹری اطلاعات طاہر رضا ہمدانی، ڈی جی ایل ڈی اے طاہر فاروق، ایم ڈی واسا غفران علی، صدر لاہور پریس کلب ارشد انصاری، عدنان رشید اور اسد حسین نے شرکت کی۔