پنجاب حکومت کا صوبے کی سرزمین سے اسلحہ اور اسمگلنگ کلچر کے مکمل خاتمے کا اعلان

پنجاب حکومت کا اسلحہ کلچر کے خاتمے کا اعلان

لاہور (ڈیلی پاکستان آن لائن) پنجاب حکومت نے صوبے کی سرزمین سے اسلحہ اور اسمگلنگ کلچر کے مکمل خاتمے کا اعلان کیا ہے۔ اس مقصد کے لئے ڈرون پولیسنگ اور نیا مربوط سکیورٹی اور آرمز ریگولیشن سسٹم تیار کیا گیا ہے۔

یہ بھی پڑھیں: ٹرمپ سے جھگڑا: ایلون مسک کو صرف ایک دن میں 27 ارب ڈالر کا جھٹکا

اجلاس میں اہم فیصلے

وزیر اعلیٰ مریم نواز شریف کی زیر صدارت امن و امان سے متعلق اہم اجلاس منعقد ہوا جس میں پنجاب کو اسلحہ سے پاک کرنے کے لئے اہم ترین فیصلے کئے گئے۔ ڈرون پولیسنگ، مربوط سکیورٹی اور آرمز ریگولیشن کے نئے قوانین متعارف کرائے گئے۔ اس کے علاوہ، صوبے بھر میں موجود 10 لاکھ لائسنس یافتہ اسلحہ کی ازسر نو جانچ پڑتال اور سخت سکروٹنی کا فیصلہ کیا گیا ہے۔

یہ بھی پڑھیں: جنگی جنون کا منہ توڑ جواب، بھارتی پرچم بردار بحری جہازوں کا پاکستانی بندرگاہوں پر داخلہ بند کردیا گیا

پنجاب سَرینڈر آف الیگل آرمز ایکٹ 2025

صوبے بھر میں پنجاب سَرینڈر آف الیگل آرمز ایکٹ 2025 متعارف کرایا جائے گا، جو 3 مراحل میں عمل درآمد کیا جائے گا: اسلحہ کی واپسی، تلفی، اور اسلحہ قوانین کے نفاذ پر توجہ دی جائے گی۔ غیر قانونی اسلحہ 15 دن کے اندر واپس کیا جائے گا جبکہ لائسنس یافتہ اسلحہ کی مکمل جانچ پڑتال کی جائے گی۔ وفاقی اسلحہ لائسنس رکھنے والوں کی بھی جانچ کی جائے گی، اور اس سلسلے میں پنجاب حکومت وفاقی حکومت سے رابطہ کرے گی۔ صرف پولیس اہلکار اور رجسٹرڈ سیکیورٹی گارڈز کو اسلحہ رکھنے کی اجازت ہوگی۔

یہ بھی پڑھیں: بھارت میں کھلبلی: ڈاکٹر ذاکر نائیک کی پاکستان آمد

نجی سیکیورٹی کمپنیوں کی رجسٹریشن

پنجاب حکومت کے مطابق نجی سیکیورٹی کمپنیوں کو رجسٹر کیا جائے گا اور ان کے لیے باقاعدہ ضوابط بنائے جائیں گے۔ نجی سیکیورٹی گارڈز کو پنجاب پولیس ہیلپ لائن 15 سے منسلک کیا جائے گا۔ انسٹنٹ پولیسنگ کے لئے پنجاب پولیس میں سٹینڈرڈ سیکشن بنایا جائے گا۔ لاہور میں کرائم سین پر جلد از جلد رسائی کے لئے ڈرون پولیسنگ کا پائلٹ پراجیکٹ لانچ کیا جائے گا۔

یہ بھی پڑھیں: ملک کے چند مقامات پر بارش کی پیشگوئی

ڈرون پولیسنگ اور جدید ٹیکنالوجی

ڈرون پولیسنگ کسی بھی جرم یا ہنگامی صورتحال پر فوری، منظم اور ڈیجیٹل ردِعمل یقینی بنائے گا۔ جیسے ہی جرم کی اطلاع موصول ہوگی، پولیس ڈرون کرائم سین پر فوراً پہنچ جائے گا تاکہ مجرم کو فوری ٹریک کیا جا سکے۔ یہ نظام بعد میں پورے صوبے میں وسعت دی جائے گی۔ پنجاب کے 14 اہم داخلی و خارجی مقامات پر جدید اسلحہ اسکینرز نصب کیے جائیں گے۔

سخت سزائیں اور لائسنس کی فیس میں اضافہ

اسلحہ کی اسمگلنگ کے خلاف آہنی ہاتھوں سے نمٹا جائے گا، اور اس جرم کی سزا 14 سال قید مقرر کر دی گئی ہے۔ اس کے علاوہ، سالانہ اسلحہ لائسنس فیس میں 100 فیصد اضافہ کیا جائے گا تاکہ اسلحہ کلچر کی حوصلہ شکنی کی جا سکے۔