70 فیصد جرائم کم ہو گئے، سی سی ڈی اور ٹیم کو شاباش، متحرک گینگز کی گرفتاری کی: آئی جی پنجاب

پنجاب میں جرائم کی شرح میں کمی

لاہور (ڈیلی پاکستان آن لائن) انسپکٹر جنرل (آئی جی) پنجاب پولیس ڈاکٹر عثمان انور نے کہا ہے کہ پنجاب میں 70 فیصد کرائم کم ہوگئے، پولیس نے متحرک گینگز کی گرفتاری کی ہے۔

یہ بھی پڑھیں: چینی قونصل جنرل ژاؤ شیرین کی وفد کے ہمراہ سیکرٹری داخلہ پنجاب ڈاکٹر احمد جاوید قاضی سے ملاقات

پریس کانفرنس

لاہور میں ڈاکٹر عثمان انور نے ایڈیشنل انسپکٹر جنرل (اے آئی جی) کرائم کنٹرول ڈپارٹمنٹ (سی سی ڈی) سہیل ظفر چٹھہ کے ہمراہ پریس کانفرنس کی۔

یہ بھی پڑھیں: ریاستی اداروں کے خلاف توہین آمیز پیغامات پر خاتون سرکاری افسر گرفتار

پولیس کے اقدامات

آئی جی پنجاب ڈاکٹر عثمان انور نے کہا کہ سی سی ڈی کا کام ہی کرائم کو کنٹرول کرنا ہے۔ پنجاب میں پولیس نظام کی بہتری کے لیے اقدامات کیے جارہے ہیں، جرائم کی شرح میں واضح کمی ہوئی ہے۔ پنجاب میں 70 فیصد کرائم کم ہوگئے ہیں، سی سی ڈی اور اس کی ٹیم کو شاباش دیتا ہوں۔ پولیس نے پنجاب میں متحرک گینگز کی گرفتاری کی ہے۔ آج پنجاب کے 27 اضلاع میں سیف سٹی پروگرام شروع کیا جارہا ہے۔

یہ بھی پڑھیں: بنگلہ دیش میں پاکستانی ہائی کمشنر کو اچانک تبدیل کردیا گیا

امن و امان کی صورتحال

پنجاب پولیس صوبے میں امن و امان کیلئے سرگرم ہے۔ صوبے بھر سے شوٹرز اور گینگز مافیاز کا خاتمہ کیا جا رہا ہے۔ وزیراعلیٰ مریم نواز نے پہلی تقریر میں واضح کہا کہ خواتین اور بچوں کے خلاف جرائم ریڈ لائن ہے۔ صوبے میں جدید ڈرون سسٹم اور سیف سٹی کیمرے 27 شہروں میں نصب کر دیئے گئے ہیں، جن پر سی سی ڈی کی نگرانی ہے۔

جرائم کے خلاف مزید اقدامات

آئی جی نے مزید بتایا کہ صوبے میں قتل کی وارداتیں ماہانہ 1,300 سے کم ہو کر 800 رہ گئی ہیں۔ غیر قانونی اسلحہ جمع کرانے کے لیے عوام کو 15 دن کا وقت دیا جائے گا، جبکہ اس دوران اسلحہ جمع کرانے والوں کے خلاف کوئی کارروائی نہیں کی جائے گی۔