کابینہ کمیٹی پنجاب نے صوبے بھر میں دفعہ 144 میں یکم نومبر تک توسیع کی منظوری دے دی

دفعہ 144 کی توسیع

لاہور (ڈیلی پاکستان آن لائن)کابینہ کمیٹی نے صوبہ بھر میں دفعہ 144 میں یکم نومبر تک توسیع کی منظوری دے دی ہے۔

یہ بھی پڑھیں: متحدہ عرب امارات کے صدر شیخ محمد بن زاید النہیان نے امریکی صدر ڈونلڈ ٹرمپ کے ’بورڈ آف پیس‘ میں شمولیت کی دعوت قبول کرلی

اجلاس کی تفصیلات

محکمہ داخلہ پنجاب میں صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق کی زیر صدارت اجلاس منعقد ہوا جس میں صوبہ بھر میں امن و امان کی صورتحال اور غیر قانونی مقیم افغان باشندوں کے انخلاء کے اقدامات کا تفصیلی جائزہ لیا گیا۔

یہ بھی پڑھیں: ٹرانسجینڈر ڈاکٹر زین کو گورنرپنجاب کی شاباش، علی پور کے سیلاب متاثرین کے لیے میڈیکل کیمپ اور ریلیف سرگرمیاں کر انسانی حق ادا کردیا

امن و امان کی فضاء کی ضرورت

کابینہ کمیٹی نے امن عامہ کی فضاء کو یقینی بنانے کی ہدایت کی اور قیام امن کیلئے علماء کرام کے اہم کردار پر زور دیا۔ اس موقع پر خواجہ سلمان رفیق نے کہا کہ عوام کے جان و مال کا تحفظ ریاست کی اولین ترجیح ہے۔ اسلام امن کا دین ہے جس میں انتہا پسندی کی کسی صورت اجازت نہیں ہے۔

انتہا پسندی کے خلاف کاروائی

سوشل میڈیا پر انتہا پسندی کو فروغ دینے والے عناصر کے خلاف سختی سے نمٹا جا رہا ہے۔ پاکستان میں غیر قانونی مقیم غیر ملکی باشندوں کو باعزت طریقے سے واپس بھجوانے کا عمل کامیابی سے جاری ہے۔ اتحاد بین المسلمین کیلئے علماء کرام کا کردار انتہائی اہم ہو گا۔