اشیاء خورونوش کی قیمتوں میں غیر معمولی تبدیلیاں کیوں ہو رہی ہیں؟
ٹماٹر اور پیاز کی قیمتوں میں تبدیلی
حال ہی میں دیکھا گیا ہے کہ جیسے ہی ٹماٹر کی قیمت میں کمی آئی، ویسے ہی پیاز کی قیمت اچانک بڑھ گئی۔ یہ صورتحال صرف ایک دن یا ایک ہفتے کا مسئلہ نہیں، بلکہ ہمارے ڈیمانڈ اینڈ سپلائی (طلب و رسد) کے نظام کی کمزوری کو ظاہر کرتی ہے۔
یہ بھی پڑھیں: نیپرا نے خطرے کی گھنٹی بجا دی
قیمتوں کا عدم توازن
ہم اکثر دیکھتے ہیں کہ جب کسی چیز کی فصل زیادہ ہوتی ہے تو قیمتیں زمین پر آجاتی ہیں، اور جب فصل میں کمی ہو جائے تو آسمان کو چھو لیتی ہیں۔ یہ عدم توازن صرف کسان، دکاندار یا صارف کا مسئلہ نہیں بلکہ پوری معیشت کے عدم استحکام کی علامت ہے۔
یہ بھی پڑھیں: دیوالی روشنی، محبت، امن اور بھائی چارے کا پیغام دیتی ہے: گورنر سندھ
مہنگائی کا کنٹرول
میں بارہا یہ بات کہہ چکا ہوں کہ مہنگائی اس انداز سے کبھی قابو نہیں کی جا سکتی۔ حکومت کو یہ سمجھنا ہوگا کہ اگر ہم واقعی معاشی استحکام چاہتے ہیں تو ہمیں منصوبہ بند معیشت (Planned Economy) کی طرف جانا ہوگا۔
یہ بھی پڑھیں: مشن نور
نقصان کی وجوہات
کیونکہ موجودہ صورتحال میں نہ کسان کو فائدہ ہو رہا ہے، نہ بیوپاری کو، اور نہ ہی عام عوام کو۔ سب کسی نہ کسی طرح نقصان اٹھا رہے ہیں اور اس نقصان کی سب سے بڑی وجہ ہے غیر یقینی صورتحال۔
یہ بھی پڑھیں: بنوں میں اہم جرگہ، فتنہ الخوارج اور سہولت کاروں کے خلاف کارروائی کا فیصلہ
مستحکم منڈی کی اہمیت
ایک مستحکم منڈی (Stable Market) ہی سب کے مفاد میں ہے۔ جب قیمتوں میں تسلسل ہو، تو کسان کو بھی اعتماد ہوتا ہے کہ اس کی محنت کا پھل ضائع نہیں جائے گا، بیوپاری کو بھی یقین ہوتا ہے کہ اس کا سرمایہ محفوظ ہے، اور صارف کو بھی تسلی رہتی ہے کہ کل کی قیمت آج جیسی ہی ہوگی۔ میری ذاتی رائے اور تجربے کے مطابق، پچھلے چند برسوں میں جتنی غیر یقینی صورتحال دیکھی گئی ہے، شاید پہلے کبھی نہیں تھی۔
یہ بھی پڑھیں: صوبائی وزیر سہیل شوکت بٹ کی انٹرنیشنل توران کپ میں سلور میڈل جیتنے والے قومی ہیرو سجاد حسین اعوان سے ملاقات
موسمیاتی تبدیلیوں کا اثر
اس کی ایک بڑی وجہ موسمیاتی تبدیلیاں (Climate Change) بھی ہیں۔ کبھی اچانک فصلیں خراب ہو جاتی ہیں، کبھی موسم کا غیر معمولی ساتھ ملنے سے پیداوار بہت زیادہ ہو جاتی ہے۔
یہ بھی پڑھیں: حج 2026 کے لیے دوسری اور آخری قسط جمع کرانے کا مرحلہ مکمل
پالیسی کی ضرورت
کبھی مارکیٹ میں طلب کم ہو جاتی ہے، تو کبھی اچانک برآمدات بند ہونے سے پورا نظام ہل جاتا ہے۔ یہ سب عوامل اس بات کا ثبوت ہیں کہ ہماری منڈی کو پالیسی کی بنیاد پر چلانے کی ضرورت ہے، نہ کہ وقتی فیصلوں پر۔
ہمیں ایک قومی زرعی پالیسی (National Agricultural Policy) کی ضرورت ہے جو کم از کم دس سال کے لیے بنائی جائے۔
یہ بھی پڑھیں: یہ تحفہ نہیں آپ کا کام ہے: گلوکار طلحہ انجم کی حکومتِ سندھ پر تنقید
پائیدار حل کی اہمیت
ایسی پالیسی جو حکومتوں کے بدلنے سے متاثر نہ ہو، بلکہ ایک قومی معاہدے کی طرح ہو، جس پر آنے والی ہر حکومت عمل کرے۔ یہ وقت وقتی اعلانات یا وقتی ریلیف کا نہیں، بلکہ مستقل نظام قائم کرنے کا ہے۔
یہ بھی پڑھیں: 1 مئی مقدمات؛ سپریم کورٹ نے عمر سرفراز چیمہ کا کیس بانی پی ٹی آئی کے ساتھ منسلک کردیا
حکومت کی ذمے داری
حکومت کی نیت قابلِ تعریف ہے، اور اس کے منصوبوں میں بہتری کی کوشش بھی نظر آتی ہے، مگر بدقسمتی سے اکثر منصوبوں میں وہ عملی خلا (implementation gap) موجود ہے جس کی وجہ سے نتائج ویسے نہیں آ پاتے جیسے عوام اور حکومت دونوں کی امید ہوتی ہے۔
یہ بھی پڑھیں: نواز شریف اور وزیراعلیٰ مریم نواز کی عرفان شفیع کھوکھر مرحوم اور میاں مرغوب احمد کی رہائش گاہوں پر آمد
مفادات کا توازن
لہٰذا ضرورت اس بات کی ہے کہ حکومت پیداواری افراد (Producer)، درمیانی طبقہ (Middleman)، تاجروں (Traders) اور صارفین (Consumers) سب کو ایک ہی صفحے پر لائے۔
یہ بھی پڑھیں: راولپنڈی ڈویژن میں 5روزہ انسداد پولیو مہم کا افتتاح
پاکستان کے معاشی مسائل کا حل
جب سب کے مفادات کو متوازن رکھا جائے گا، تو نہ صرف کسان خوشحال ہوگا بلکہ عام آدمی کو بھی ریلیف ملے گا، اور حکومت کی پالیسیوں پر اعتماد بڑھے گا۔ آخر میں یہی کہنا چاہوں گا کہ ایک منصوبہ بند معیشت، مستحکم منڈی، اور تمام فریقین کا اعتماد ہی پاکستان کے معاشی مسائل کا واحد حل ہے۔ تمام فریقین کو بٹھایا جائے، سب کو سنا جائے اور مشترکہ اعلامیہ جاری کیا جائے، صرف بابوز والے ماڈل سے اب اجتناب کیا جائے۔
نوٹ
یہ مصنف کا ذاتی نقطہ نظر ہے جس سے ادارے کا متفق ہونا ضروری نہیں۔
