راولپنڈی میں خاتون کو قابل اعتراض ویڈیوز کے ذریعے بلیک میل کرنے کے الزام میں ملزم گرفتار

تھریڈ ملزم کی گرفتاری

راولپنڈی(ڈیلی پاکستان آن لائن) نیشنل سائبر کرائم انوسٹی گیشن ایجنسی نے خاتون کو قابل اعتراض ویڈیوز اور تصاویر کے ذریعے بلیک میل کرنے میں ملوث ملزم کو گرفتار کرکے پیکا ایکٹ کے تحت مقدمہ درج کرلیا۔

یہ بھی پڑھیں: کیا واقعی پنجاب میں گرمیوں کی تعطیلات 22 مئی سے شروع ہوں گی؟ وہ سب کچھ جو آپ کو جان لینا چاہیے

الزامات کی تفصیلات

حکام کے مطابق جی ایٹ 2 اسلام آباد سے تعلق رکھنے والے دانیال خان پر الزام ہے کہ اس نے بدنیتی پر مبنی مقاصد کے تحت متاثرہ خاتون کی نازیبا تصاویر اور ویڈیوز غیر قانونی طور پر اپنے پاس محفوظ رکھیں۔ بعدازاں، اس کے واٹس ایپ نمبر پر دھمکی آمیز وائس میسج کے ذریعے ہراساں کرتے ہوئے بلیک میل کیا گیا۔

یہ بھی پڑھیں: توشہ خانہ ون کیس؛بانی پی ٹی آئی کی سزا کے خلاف اپیل پر سماعت 14نومبر تک ملتوی

عزت اور وقار کا نقصان

حکام نے بتایا ہے کہ ملزم نے متاثرہ خاتون اور اس کے اہل خانہ کی عزت اور وقار کو نقصان پہنچانے کی کوشش کی۔ انکوائری میں الزام ثابت ہونے پر ملزم کے خلاف پیکا ایکٹ اور دیگر دفعات کے تحت مقدمہ درج کیا گیا اور پھر ملزم کو گرفتار کر لیا گیا۔

تحقیقات اور مزید انکشافات

مزید بتایا گیا کہ ملزم کے قبضے سے موبائل فون ضبط کر کے ٹیکنکل تجزیہ کرایا گیا، جس میں سے قابل اعتراض مواد برآمد ہوا۔ حکام کا کہنا تھا کہ انسپکٹر محمد توصیف کی سربراہی میں تفتیش جاری ہے، جس کے دوران مزید انکشافات کی توقع ہے۔