چین نے دنیا کا سب سے بڑا الیکٹرک دریائی کارگو جہاز لانچ کردیا

چین کا نیا الیکٹرک دریائی جہاز

بیجنگ (ویب ڈیسک) چین نے دنیا کا سب سے بڑا الیکٹرک دریائی کارگو جہاز لانچ کردیا جو روایتی ایندھن کے بجائے لیتھیئم بیٹریوں پر چلتا ہے۔

یہ بھی پڑھیں: خیبر پختونخوا اسمبلی میں خواتین مخصوص نشست پر اے این پی نے ٹاس جیت لیا

جیسا کہ گیزوبا، جہاز کی تفصیلات

گیزوبا نامی اس بحری جہاز کی لمبائی 130 میٹر ہے اور یہ زیادہ سے زیادہ 13 ہزار ٹن وزن اٹھا سکتا ہے۔ یہ جہاز 12 لیتھیئم بیٹری پاور یونٹس پر چلتا ہے جو مجموعی طور پر 24 ہزار کلو واٹ آور بجلی فراہم کرتی ہیں۔ اس بحری جہاز کو تیار کرنے والے انجینیئرز کا کہنا ہے کہ اس جہاز میں تیزی سے بیٹریاں تبدیل بھی کی جاسکتی ہیں اور جہاز کی زیادہ زیادہ رینج 500 کلومیٹر ہے۔

یہ بھی پڑھیں: دریائے سوات میں سیاحوں کی موت نہیں بلکہ تحریک انصاف کے نظام کی موت ہوئی ہے، عطا اللہ تارڑ

جدید ٹیکنالوجی کا استعمال

اس بحری جہاز میں جدید اسمارٹ کنٹرول سسٹم نصب کیا گیا ہے جس کے باعث اس میں ریموٹ نیویگیشن اور آٹومیٹک برتھنگ کی سہولت بھی موجود ہے۔ چائنیز اکیڈمی آف انجینیئرنگ کے یِن شن پنگ نے کہا کہ اس جہاز کی تیاری صرف ایک پروڈکٹ میں جدت لانا نہیں بلکہ ایک جامع تکنیکی پیش رفت ہے جس میں بڑی بیٹریوں اور ڈی سی پاور سسٹمز جیسی بنیادی ٹیکنالوجیز کو کامیابی سے جانچا گیا ہے۔

ماحولیاتی فوائد

ان کا مزید کہنا تھا کہ ہم نے نئے انجن، اسمارٹ کنٹرول سسٹم اور ساحلی انفراسٹرکچر کو کامیابی سے ایک ساتھ استعمال کیا اور بڑی بیٹریوں، ڈی سی پاور سسٹم، ریموٹ پائلٹنگ، ملٹی نیٹورک انٹیگریشن اور شپ ٹو شور کمیونیکیشن جیسی جدید ٹیکنالوجیز کو عملی طور پر ثابت کیا۔ چینی میڈیا کے مطابق یہ الیکٹرک جہاز سالانہ 617 ٹن ایندھن کی بچت کرے گا جبکہ کاربن کے اخراج کو سالانہ 2 ہزار ٹن تک کم کرے گا۔