پنجاب کے عوام کے لیے جو کام ہو رہے ہیں وہ دیکھتے بھی ہیں، اور بہت سوں کو دکھتے بھی ہیں: عظمٰی بخاری

وزیر اطلاعات کی گفتگو

لاہور (ڈیلی پاکستان آن لائن)  وزیر اطلاعات و ثقافت پنجاب عظمٰی بخاری نے کہا ہے کہ وزیراعلیٰ پنجاب مریم نواز اپنی کارکردگی عوام کے سامنے سوشل میڈیا کے ذریعے رکھ رہی ہیں۔ جو لوگ اپنی کوئی کارکردگی نہیں دکھا سکتے، وہی دوسروں کی محنت پر تنقید کرتے ہیں۔

یہ بھی پڑھیں: جاوید اختر نے مسلمان ہونے کی بنا پر کرائے کا گھر نہ ملنے کا الزام بھی پاکستان پر ڈال دیا

پنجاب میں ترقیاتی سرگرمیاں

عظمٰی بخاری نے کہا کہ پنجاب میں سرکاری سکولوں کی بحالی، سڑکوں کی تعمیر، ہسپتالوں کا قیام، ماحولیات کی بہتری، ستھرا پنجاب پروگرام، اور جدید ٹرانسپورٹ سہولیات عوام کے لیے عملی طور پر فراہم کی جا رہی ہیں۔ پنجاب کے عوام کو سوشل سروسز سمیت ہر شعبے میں بہتری کے ثمرات مل رہے ہیں۔

کارکردگی کا چیلنج

وزیر اطلاعات نے مزید کہا کہ چیلنج ہے اگر کسی کے پاس کوئی کارکردگی ہے تو سامنے لا کر دکھائے۔ ان کا کہنا تھا کہ کوئی کام کیے ہوں تو دکھتے ہیں، اور بہت سوں کو دُکھتے ہیں۔ وزیراعلیٰ مریم نواز کے کام اور وژن پر پوری قوم کو فخر ہے。