علیزے شاہ نے سوشل میڈیا کو پھر خیرباد کہہ دیا، اس بار وجہ کیا بنی؟
علیزے شاہ کی تصاویر کا انسٹاگرام سے ڈیلیٹ ہونا
لاہور(ڈیلی پاکستان آن لائن) پاکستانی شوبز انڈسٹری کی معروف اداکارہ علیزے شاہ کا کہنا ہے کہ میں نے اپنی تمام تصاویر انسٹاگرام سے ڈیلیٹ کردی ہیں۔
یہ بھی پڑھیں: ہمیں انصاف نہیں مل رہا، گرفتار کرنا ہے تو کرلیں، علیمہ خان
فنی کیریئر کا آغاز
علیزے شاہ نے بطور چائلڈ آرٹسٹ اپنے کیریئر کا آغاز کیا اور آج ان کا شمار پاکستان کی نامور اور خوبرو اداکاراؤں میں کیا جاتا ہے، جنہوں نے بہت کم وقت اور کم عمری میں شوبز انڈسٹری میں غیر معمولی شہرت حاصل کی۔
یہ بھی پڑھیں: جنگ میں بھارت کا تماشہ، دنیا نے دیکھا، رافیل ایسے گرے جیسے چڑیا گرتی ہیں: مصدق ملک
ذہنی صحت کا مسئلہ
بے پناہ شہرت و کامیابی کے باوجود اداکارہ ذہنی تناؤ کا شکار رہی ہیں جس کا ذکر انہوں نے وقتاً فوقتاً اپنی مختلف سوشل میڈیا پوسٹ میں کھل کر کیا ہے۔
یہ بھی پڑھیں: ریاستی اداروں کے خلاف توہین آمیز پیغامات پر خاتون سرکاری افسر گرفتار
ویڈیو پیغام اور سوشل میڈیا سے رخصتی
اب حال ہی میں انہوں نے ایک بار پھر اپنے انسٹاگرام اکاؤنٹ سے تمام پوسٹس ڈیلیٹ کر کے ایک ویڈیو پیغام جاری کیا ہے۔
فوٹوز اینڈ ویڈیوز شیئرنگ پلیٹ فارم انسٹاگرام پر اداکارہ نے مختصر ویڈیو اپنی سٹوری میں شیئر کی اور اپنے فیصلے پر اطمینان کا اظہار کیا۔
انہوں نے کہا کہ میں نے انسٹاگرام سے تمام تصاویر ڈیلیٹ کر دی ہیں جس پر میں بہت خوش ہوں، اس سے قبل میں شرمندہ تھی کیونکہ مجھے نہیں معلوم کہ میں اب تک اپنی زندگی کے ساتھ کیا کررہی تھی۔
یہ بھی پڑھیں: نئے اور جدید ڈیزائن کے کرنسی نوٹوں کا اجرا، حقیقت کیا ہے؟
سوشل میڈیا کی واپسی کا سوال
انہوں نے کہا کہ مجھے نہیں معلوم کہ میں سوشل میڈیا پر کب واپس آؤں گی، لیکن وہ تصاویر واپس نہیں آئیں گی اور نہ ہی وہ علیزے واپس آئیں گی۔
انہوں نے ویڈیو پیغام کے اختتام پر مختصر وقت کے لیے سوشل میڈیا کو خیرباد کہہ دیا۔
صارفین کی فکر اور پچھلے واقعات
مختلف سوشل میڈیا پیجز پر اداکارہ کا ویڈیو پیغام وائرل ہوا تو صارفین کمنٹس میں تبصرہ کرتے ہوئے علیزے کی ذہنی صحت کے حوالے سے فکر مند دکھائی دیئے اور ان کے لیے نیک خواہشات کا اظہار بھی کیا۔
واضح رہے کہ یہ پہلا موقع نہیں ہے جب اداکارہ نے اپنے انسٹا اکاؤنٹ سے تمام پوسٹس ڈیلیٹ کی ہوں۔ اس سے قبل گزشتہ برس ستمبر اور رواں سال اپریل میں بھی علیزے شاہ اپنے انسٹاگرام کی تمام تصاویر و پوسٹس ڈیلیٹ کر چکی ہیں۔
