تھائی لینڈ اور کمبوڈیا میں صلح معاہدے پر دستخط، دنیا بھر میں امن چاہتا ہوں: ٹرمپ

تھائی لینڈ اور کمبوڈیا کے درمیان امن معاہدہ

کوالالمپور (ڈیلی پاکستان آن لائن) امریکا کے صدر ڈونلڈ ٹرمپ کی موجودگی میں تھائی لینڈ اور کمبوڈیا کے درمیان امن معاہدے پر ملائیشیا میں دستخط کر دیئے گئے۔

یہ بھی پڑھیں: اسرائیلی فوج کا فلسطینی شہریوں پر ظلم کا نیا حربہ کیا ہے؟ نئے انکشافات

صدر ٹرمپ کا خطبہ

نجی ٹی وی چینل دنیا نیوز کے مطابق کوالالمپور میں معاہدے پر دستخط کی تقریب سے خطاب کرتے ہوئے امریکا کے صدر ڈونلڈ ٹرمپ نے کہا کہ میں دنیا بھر میں امن کا خواہاں ہوں، مجھے جنگیں رکوانا پسند ہے۔ میں نے تجارت کے ذریعے جنگیں رکوائیں ہیں اور اب تک 8 جنگیں رکوائی ہیں۔

یہ بھی پڑھیں: صفدرآباد: جائیداد میں حصہ مانگنے پر بھائی نے بیوی کے ساتھ مل کر بہن کو قتل کردیا۔

معاہدے کی اہمیت

ٹرمپ نے کہا کہ ملائیشیا تھائی لینڈ اور کمبوڈیا کے درمیان امن معاہدے کی نگرانی کرے گا، اس معاہدے سے لاکھوں جانیں بچ جائیں گی۔ انہوں نے تھائی لینڈ کی ملکہ کے انتقال پر بھی تعزیت کا اظہار کیا۔

یہ بھی پڑھیں: تحائف نہ دینے پر چھوڑنے پر بوائے فرینڈ نے محبوبہ سے بدلہ لینے کا ایسا طریقہ نکالا کہ پولیس کے بھی ہوش اُڑ گئے

پاکستان کے وزیراعظم کی حیثیت

پاکستان کے وزیراعظم اور فیلڈ مارشل عظیم شخصیات

امریکا کے صدر نے دہرایا کہ پاکستان کے وزیراعظم اور فیلڈ مارشل عظیم شخصیات ہیں۔ انہوں نے کہا کہ پاکستان اور افغانستان کے درمیان جنگ ہوئی لیکن یہ جلد بند ہو گئی، اور سعودی عرب نے اس جنگ بندی میں اہم کردار ادا کیا۔

یہ بھی پڑھیں: تعلیمی اداروں کے اوقات کار میں تبدیلی کردی گئی

ملائیشیا کے صدر کا موقف

اس موقع پر ملائیشیا کے صدر انور ابراہیم نے کہا کہ ہم امریکی صدر ڈونلڈ ٹرمپ کے مشکور ہیں جنہوں نے قیام امن کی کوششیں کیں اور غزہ امن معاہدے پر خراج تحسین پیش کیا۔

یہ بھی پڑھیں: الیکشن کمیشن نے عادل خان بازئی کو ڈی سیٹ کر دیا

ٹرمپ کا دورہ ملائیشیا

قبل ازیں، ملائیشیا کے دورے سے قبل ڈونلڈ ٹرمپ نے سوشل میڈیا ویب سائٹ ٹروتھ سوشل پر پیغام میں کہا کہ وہ ایک شاندار امن معاہدے پر دستخط کے لیے ملائیشیا جا رہے ہیں، جس پر انہیں فخر ہے کہ انہوں نے یہ معاہدہ کروایا۔

یہ بھی پڑھیں: قتل اور زیادتی کے جرم میں قید سابق پولیس چیف امریکی جیل سے فرار

آسیان اجلاس اور دیگر ملاقاتیں

اپنے دورہ ملائیشیا کے دوران، ڈونلڈ ٹرمپ جنوب مشرقی ایشیائی ممالک کی تنظیم آسیان کے اجلاس میں بھی شرکت کریں گے۔ امریکی صدر اس وقت مختلف ایشیائی ممالک کے ایک ہفتے کے دورے پر ہیں، جس میں وہ جاپان بھی جائیں گے جہاں ان کی نو منتخب وزیرِاعظم سانائے تکائچی سے ملاقات ہوگی۔

یہ بھی پڑھیں: گندم کی فصل میں حصہ کم ملنے پر بیوی نے تشدد کر کے شوہر کو قتل کردیا

جنوبی کوریا کا دورہ

ڈونلڈ ٹرمپ جنوبی کوریا میں ایشیا پیسیفک اکانومک فورم کے سربراہی اجلاس میں بھی شرکت کریں گے۔

یہ بھی پڑھیں: غزہ میں جھڑپ میں 7 اسرائیلی فوجی ہلاک ہو گئے

تاریخی سرحدی تنازعہ

تھائی لینڈ اور کمبوڈیا کے درمیان سرحدی تنازع ایک صدی سے بھی پرانا ہے۔ حالیہ کشیدگی رواں سال مئی میں شروع ہوئی جب سرحد پر ہونے والی جھڑپوں میں ایک کمبوڈین فوجی مارا گیا۔

یہ بھی پڑھیں: پاکستان اور سعودی عرب کے تاریخی معاہدے پر تاریخی گانا۔۔۔

کشیدگی کے نتائج

دونوں ممالک نے ایک دوسرے پر سرحدی پابندیاں عائد کر دیں۔ کمبوڈیا نے تھائی لینڈ سے پھل اور سبزیوں کی درآمد معطل کر دی، اور دونوں ممالک نے سرحد پر فوجیوں کی تعداد بھی بڑھا دی۔

یہ بھی پڑھیں: کمیل عزیز خان نے اپنی زندگی کے سب سے بڑے خوف سے پردہ اٹھادیا

جنگ بندی معاہدہ

تھائی لینڈ اور کمبوڈیا کے درمیان ایک ہفتے جاری رہنے والی لڑائی کے بعد فوری اور غیر مشروط جنگ بندی پر اتفاق ہو گیا۔ ٹرمپ نے دھمکی دی تھی کہ اگر دونوں ممالک نے لڑائی نہیں روکی تو امریکی محصولات میں کمی پر جاری بات چیت ختم کر دی جائے گی، کیونکہ دونوں ممالک امریکہ کو برآمدات کرتے ہیں۔

کشیدگی کم کرنے کا معاہدہ

سات اگست کو تھائی لینڈ اور کمبوڈیا کے درمیان کشیدگی کم کرنے کے لیے معاہدہ بھی ہوا۔