بنوں: شادی کی تقریب میں 2 گروپوں میں فائرنگ، 3 افراد جاں بحق

بنوں میں شادی کی تقریب میں فائرنگ

بنوں(ڈیلی پاکستان آن لائن) بنوں میں شادی کی تقریب میں موسیقی کے دوران 2 گروپوں میں فائرنگ سے 3 افراد جاں بحق اور 8 زخمی ہو گئے۔

یہ بھی پڑھیں: ہر 2 دن بعد متعدد پیشیوں کے باوجود جج صاحب ہمیں گرفتار کروانا چاہتے ہیں، تو شوق پورا کرلیں، ایڈووکیٹ ایمان مزاری

واقعے کی تفصیلات

روزنامہ جنگ کے مطابق پولیس کا کہنا ہے کہ بنوں کے علاقے نار جعفر میں رات گئے شادی کی تقریب میں موسیقی جاری تھی اور ڈی جے میوزک پر خواجہ سرا رقص کر رہے تھے کہ اس دوران خواجہ سرا کو چھیڑنے پر دونوں گروپوں میں جھگڑا ہو گیا۔

یہ بھی پڑھیں: ٹرک رکشہ حادثہ، وزیر اعلیٰ کا ایک ہی خاندان کے 4 افراد جاں بحق ہونے پر اظہار افسوس

فائرنگ اور اس کے نتائج

اس دوران دونوں گروپ جو اسلحے سے لیس تھے، ایک دوسرے پر فائرنگ شروع کردی جس کے نتیجے میں 3 افراد جاں بحق اور 8 زخمی ہوگئے۔

طبی امداد

پولیس کا کہنا تھا کہ جاں بحق اور زخمیوں کو ڈسٹرکٹ ہیڈ کوارٹر ہسپتال منتقل کردیا گیا ہے، جن میں 3 افراد کی حالت تشویشناک ہے۔